გოცირიძე მმართველ გუნდზე - ეგონათ, რომ თუ აღშფოთებულები შეხვდებოდნენ პოლიტპატიმრების გათავისუფლებას, ეს ჩაეთვლებოდათ პოლიტიკურ პიარში

2020-05-20 10:11:05, 1183 ნახვა

პოლიტიკა

„ნაციონალური მოძრაობის“ თავმჯდომარე, რომან გოცირიძე გამოეხმაურა პრეზიდენტის მიერ გუშინ გაკეთებულ განცხადებას, სადაც სალომე ზურაბიშვილმა თქვა, რომ პოლიტპატიმრების გათავისუფლება წინასწარ შეატყობინა თალაკვაძეს, გახარიასა და ივანიშვილს.

გოცირიძის განცხადებით, მმართველ გუნდს ეგონა, რომ თუ ასე აღშფოთებულები შეხვდებოდნენ პოლიტპატიმრების გათავისუფლებას, ეს ჩაეთვლებოდათ პოლიტიკურ პიარში.

„მათ ეგონათ, რომ რაღაც ჭკვიანურს იტყოდნენ და თუ აი ასე აღშფოთებულები შეხვდებოდნენ პრეზიდენტის მიერ პოლიტპატიმრების გათავისუფლებას. ეს რაღაც ჩაეთვლებოდათ მოსახლეობის მოტყუებასა და პოლიტიკურ პიარში. სინამდვილეში წამოარტყეს ყურეში „ქართული ოცნებას“, ივანიშვილს და უთხრეს, რომ ახლა თუ არ გამოუშვებ პოლიტპატიმრებს, შენი გზა იქითაა, სადაც ცივილიზებული სამყარო დიქტატორებს მიერეკება ხოლმე“, - განაცხადა რომან გოცირიძემ.

Patreon P მხარი დაუჭირე "ექსპრესნიუსს" →

ავტორი: ცოტნე ტალახაძე, ექსპრესნიუსის რეპორტიორი 2019 წლიდან