„სრული ოპოზიციური სპექტრი თანხმდება იმაზე, რომ პოლიტპატიმრების გამოშვების გარეშე, შეუძლებელი იქნება საკონსტიტუციო ცვლილებებისთვის მხარდაჭერა“, - ამის შესახებ „ნაციონალური მოძრაობის“ ლიდერმა თინა ბოკუჩავამ განაცხადა.

ბოკუჩავას თქმით, დღევანდელი შეხვედრის დროს განისაზღვრება ოპოზიციური სპექტრის შემდეგი ნაბიჯი.

„დღეს ვიკრიბებით ლეიბორისტული პარტიის ოფისში სწორედ იმისთვის, რომ განვსაზღვროთ ჩვენი შემდეგი ნაბიჯებით, თუმცა პრაქტიკულად სრული ოპოზიციური სპექტრი თანხმდება იმაზე, რომ პოლიტპატიმრების გამოშვების გარეშე, შეუძლებელი იქნება საკონსტიტუციო ცვლილებებისთვის მხარდაჭერა. იმიტომ, რომ 8 მარტის შეთანხება ითვალისწინებდა ორივე კომპონენტს და შესაბამისად, ივანიშვილის ვალდებულებაა, რომ შეასრულოს ორივე კომპონენტი. ამაზე მეტყველებს ის განცხადებები, რომელიც ბოლო რამდენიმე დღის განმავლობაში გაკეთდა“, - განაცხადა თინა ბოკუჩავამ.

შეგახსენებთ, რომ რამდენიმე თვის შემდეგ, ოპოზიციური პარტიები კონსულტაციებისთვის კვლავ იკრიბებიან ლეიბორისტული პარტიის ოფისში. შეხვედრა 14:00 საათზეა ჩანიშნული.

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

სოციალური ქსელები

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს

მოქალაქეების 71% მხარს უჭერს ქვეყნის ევროკავშირში გაწევრიანებას, თუმცა 49% მიიჩნევს, რომ საქართველო ევროინტეგრაციის პროცესში არასწორი მიმართულებით მიდის

ლელო: სააკაშვილის განცხადება პოლიტიკური განხეთქილების შექმნის მცდელობაა

ნავროცკიმ ზელენსკის მიმართა „თეთრი არწივის“ სკანდალის ფონზე