საბი ბერიანის მკვლელობაში ბრალდებული ლევან კოჭლაშვილი თბილისის საქალაქო სასამართლოს მოსამართლემ, გიორგი დარახველიძემ განზრახ მკვლელობის ნაწილში უდანაშაულოდ ცნო. 

კოჭლოშვილს სხვისი ნივთის დაზიანებისა (საბი ბერიანის ბინაში ხანძრის გაჩენის) და ტრანსგენდერი ქალის ბიანკა შიგუროვას ცემისთვის ჯამურად 4 წელი პატიმრობა შეეფარდა. ბერიანის განზრახ მკვლელობაში კი სასამართლომ კოჭლოშვილი უდანაშაულოდ ცნო.

მოსამართლის ეს გადაწყვეტილება გაუგებარია არასამთავრობო სექტორისა და მოკლულის ოჯახის ადვოკატისთვის. უფლებადამცველი აცხადებს, რომ საქმეში მკვლელობის იარაღი და სხვა მტკიცებულელები გამამტყუნებელი განაჩენის გამოტანის საფუძველი უნდა გამხდარიყო.

საბი ბერიანის მკვლელობა დაუსჯელი არ უნდა დარჩეს – ამ მოთხოვნით, ქალთა ინიციატივების მხარდამჭერი ჯგუფი პეტიციას ავრცელებს და საქართველოს პროკურატურას მიმართავს.

პეტიციაში ნათქვამია, რომ ტრანსგენდერი ადამიანები ლგბტ თემს შორისაც კი ყველაზე მეტად მოწყვლადი და გარიყული ჯგუფია. WISG-ის ცნობით, ისინი მუდმივად განიცდიან დევნას, შევიწროებას და ძალადობას.

შეგახსენებთ, ტრანსგენდერი ქალი, საბი ბერიანი 2014 წლის 11 ნოემბერს  მოკლეს. მისი ცხედარი სამაშველო სამსახურმა აღმოაჩინა, რომელიც საცხოვრებელ სახლში ხანძრის ჩასაქრობად მივიდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კრიტიკის ცეცხლში მოყოლილი ისტორიაში ყველაზე ძვირადღირებული მსოფლიო ჩემპიონატი ფეხბურთში

აშშ-ის სასამართლომ ტრამპის 1.8 მილიარდი დოლარის ოდენობის კომპენსაციის ფონდი დაბლოკა

პაპუაშვილი - პარლამენტში პარტია „საქართველოსთვის“ სახელით მყოფი ხალხი უნდა მიხვდეს, რომ გაქცეული გახარია ამათ დასცინის

ბენზინის დეფიციტის გამო, რუსეთი თვითმფრინავებისთვის საწვავის პრობლემებია