სემეკ-ში ხვალ "თელასის" ტარიფთან დაკავშირებით წინასწარი საჯარო განხილვა გაიმართება

2015-08-13 13:31:18, 650 ნახვა

ეკონომიკა

ენერგეტიკისა და წყალმომარაგების მარეგულირებელ ეროვნულ კომისიაში ხვალ "თელასის" ტარიფთან დაკავშირებით წინასწარი განხილვა გაიმართება.

სს "თელასის" კაპიტალური დანახარჯების შესახებ წინასწარი საჯარო განხილვა 12:00 საათზე დაიწყება, შეხვედრა საჯაროა და მასზე დასწრება ნებისმიერ დაინტერესებულ პირს შეუძლია.

„საქართველოს ენერგეტიკისა და წყალმომარაგების მარეგულირებელ ეროვნულ კომისიაში დაწყებულია საჯარო ადმინისტრაციული წარმოება „ელექტროენერგიის ტარიფების შესახებ“ საქართველოს ენერგეტიკის მარეგულირებელი ეროვნული კომისიის 2008 წლის 4 დეკემბრის N33 დადგენილებაში ცვლილებების შეტანის თაობაზე ნორმატიული ადმინისტრაციულ-სამართლებრივი აქტის - კომისიის დადგენილების გამოსაცემად. დადგენილების გამოცემის შესახებ მოსაზრებების წარდგენის ბოლო ვადად განსაზღვრულია 2015 წლის 31 აგვისტოს 18:00 საათი, ხოლო კომისიის მიერ გადაწყვეტილების მიღების-დადგენილების გამოცემის ბოლო ვადად - 2015 წლის 18 დეკემბერი“, - ნათქვამია სემეკის განცხადებაში.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან