შუახევის მუნიციპალიტეტის მერის წარმომადგენლები თანაშემწეებთან ერთად ადმინისტრაციულ ერთეულებსა და სოფლებში კორონავირუსის პრევენციის მიზნით საინფორმაციო შეხვედრებს მართავენ.

ადგილობრივებს, საქართველოს ჯანდაცვის სამინისტროს რეკომენდაციების გათვალისწინებას და ქვეყანაში საგანგებო მდგომარეობის გამოცხადებასთან დაკავშირებით შესაბამისი წესების დაცვისკენ მოუწოდებენ და მოსახლეობას აღნიშნულ სიტუაციაში სახლებში ყოფნას ურჩევენ.

რწმუნებულებმა, ადგილობრივებს მერისა და საკრებულოს თავმჯდომარის ერთობლივი გადაწყვეტილებაც გააცნეს, რომელიც ადგილობრივებზე თვითმმართველობის ბალანსზე არსებული ავტომობილების მომსახურებას გულისხმობს სურსათის შესაძენად, ან სხვა აუცილებელი საჭიროებისათვის.

ასევე, მიაწოდეს ინფორმაცია პრევენციის მიზნით მუნიციპალიტეტში უკვე გადადგმული და დაგეგმილი ნაბიჯების, მოხალისეთა ჯგუფის შესახებ და ინსტრუქციები გადაუდებელი საჭიროებისას.

უახლოეს დღეებში საინფორმაციო კამპანიას შუახევის მუნიციპალიტეტში შექმნილი მოხალისეთა ჯგუფები შეუერთდებიან, რომლებიც საინფორმაციო შეხვედრებთან ერთად, კორონავირუსის პრევენციის მიზნით რისკ ჯგუფში შემავალ მოქალაქეებს, შშმ პირებს, მარტოხელებს, ქრონიკული დაავადებების მქონე პირებს და მრავალშვილიან ოჯახებს მედიკამენტებს და სასურსათო კალათას გადასცემენ.

ავტორი: NS (სტატია დაფინანსებულია),

სოციალური ქსელები

„ახლა ჩვენი ჯერია“: ბაიდენმა ამერიკული გზის დაუმთავრებელ ბუნებაზე ისაუბრა

ტრამპი ხამენეის დაკრძალვაზე: ჩვენ შეგვიძლია ყველა ერთი დარტყმით გავანადგუროთ

ელენე ხოშტარიას მიმართვა ALDE-ს - რუსეთი ცდილობს დაამარცხოს ევროპა საქართველოში

ALDE-მ საქართველოს შესახებ რეზოლუცია მიიღო