ირანის პარლამენტის 23 დეპუტატს კორონავირუსი დაუდგინდა.

ამის შესახებ ინფორმაციას თურქული სააგენტო „ანადოლუ“ ირანის პარლამენტის ვიცე-სპიკერის, აბდულ რეზა მისრიზე დაყრდნობით ავრცელებს.

„ამ დროისთვის, პარლამენტის 23 წევრის ტესტირებამ კორონავირუსზე დადებითი შედეგი აჩვენა“, - აცხადებს მისრი.

როგორც მან აღნიშნა, ჯანმრთელობის პრობლემების გამო, დეპუტატებსა და მოქალაქეებს შორის შეხვედრები შეჩერებულია.

შეგახსენებთ, რომ ირანში კორონავირუსით უკვე ორი მაღალჩინოსანი გარდაიცვალა. ასევე, ვირუსით დაინფიცირებულია ირანის ჯანდაცვის მინისტრის მოადგილე და ვიცე-პრეზიდენტიც.

ბოლო მონაცემებით, მსოფლიოში კორონავირუსით ინფიცირებულთა რიცხვმა 90 932 შეადგინა, ხოლო გარდაცვლილთა რიცხვი - 3 119-ს აღწევს, ამასთან, აღსანიშნავია, რომ გამოჯანმრთელებულია 48 163 პაციენტი.

ჯანდაცვის მსოფლიო ორგანიზაციამ კორონავირუსი გლობალურ საფრთხედ გამოაცხადა.

ავტორი: ექსპრესნიუსი,

სოციალური ქსელები

სასამართლოს კანცელარიის დაცვის მცდელობის საქმეზე ალეკო ელისაშვილს 13-წლიანი პატიმრობა მიესაჯა

კარგი იდეა მხოლოდ დასაწყისია, შეცდომების მიუხედავად არ გაჩერდე – ფოქსი ელენიკო 19 წლის საკუთარ თავს მიმართავს

ქართული ბენტონიტი მსოფლიო ბაზარზე - „ასკანგელ ალიანსი“ ინდუსტრიას თიბისისთან ერთად ავითარებს

სრული სვლით საგანძურისკენ - 200 000 მოთამაშე, 40 გამარჯვებული და ბევრი თავგადასავალი თიბისის მობაილბანკში