შინაგან საქმეთა მინისტრის თანამდებობაზე წარდგენილი გიორგი მღებრიშვილი დღეიდან მოვალეობის შესრულებას შეუდგა.

„ სისტემაში არსებული ვითრების დეტალურ ანალიზს გავაკეთებ  და მხოლოდ ამის შემდეგ შემეძლება ვისაუბრო პრიორიტეტებზე.  მაგრამ ერთი მთავარი პრიორიტეტია, მაქსიმალურად შევინარჩუნოთ უსაფრთხო გარემო.  მე დავბრუნდი იმ ოჯახში, სადაც შეიძლება ითქვას, რომ როგორც საჯარო მოხელემ, ფეხი ავიდგი. ეს ჩემთვის დიდი გამოწვევაცაა და პასუხისმგებლობაც“, – აღნიშნა მღებრიშვილმა. 

გიორგი მღებრიშვილს თანამდებობაზე დანიშვნა სახელმწიფო უსაფრთხოების სააგენტოს უფროსმა ვახტანგ გომელაურმა მიულოცა.

გომელაური დარწმუნებულია, რომ მღებრიშვილი შს სამინისტროში დაწყებულ რეფორმებს წარმატებით გააგრძელებს.

„ის მუშაობდა შს სამინისტროში და დარწმუნებული ვარ, წარმატებული იქნება. სასჯელაღსრულების სამინისტროში მან ძალიან ბევრი გააკეთა.  შს სამინისტროში დაწყებულია რეფორმები. დარწმუნებული ვარ რეფორმები უკეთესად იქნება გაგრძელებული, სიახლეები ექნებათ საპატრულო პოლიციაში, სპეცდანიშნულების ქვედანაყოფებში“, – განაცხადა გომელურმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სტამბოლში სტენდაფ კომიკოსი ერდოღანზე ხუმრობის გამო დააკავეს

რუსეთის ბენზინგასამართ სადგურებზე რიგები ახლა კოსმოსიდანაც ჩანს

ნავთობგადამამუშავებელი ქარხნების დაბომბვებმა ნავთობისა და გაზის ბიუჯეტის შემოსავლები ტრილიონი რუბლით შეამცირა

ოკუპირებული ცხინვალის რეგიონის „საპრეზიდენტო“ არჩევნების ე.წ. ვადამდელი თარიღად 18 სექტემბერი დადგინდა