შრომის, ჯანმრთელობისა და სოციალური დაცვის მინისტრის დავით სერგეენკოს განცხადებით, მედიკამენტებზე ფასების კლება გამჭვირვალე კონკურენციის უზრუნველყოფის გზით მოხდება.

როგორც სერგეენკომ თემის კომენტირებისას ჟურნალისტებს განუცხადა, ქართულ ბაზარზე შემოსვლასთან დაკავშირებით გარკვეულ ფარმაცევტულ კომპანიებთან მოლაპარაკებები უკვე მიმდინარეობს.

"მეთოდი, რომლითაც შეიძლება მედიკამენტების ფასების შემცირება, ბევრნაირი არსებობს, მაგრამ ძირითადად, სამი ჯგუფისაა - ერთი არის სუბსიდირება, რაც ჩვენ შემთხვევაში არასწორი იქნებოდა. ამის რესურსი ახლა არც გვაქვს. მეორე იქნებოდა ხელოვნური ზღვარის დაწესება მოგების ზღვარზე, რომელიც ასევე ჩარევაა კერძო ინდუსტრიაში და მესამე არის გამჭვირვალე კონკურენციის უზრუნველყოფა. მხოლოდ აუცილებელი პირობაა, რომ ხარისხის კონტროლის სისტემა გვქონდეს. სხვა შემთხვევაში შემოვა მედიკამენტები, რომელიც იქნება იაფი, მაგრამ ხარისხი ძალიან საეჭვო იქნება და მოსახლეობას საფრთხეს შეუქმნის. ჩვენ მივდივართ ამ გეგმით. ახლა რადგანაც მოლაპარაკების ფაზაა, მე არ მაქვს უფლება, კონკრეტული კომპანიები დავასახელო, მაგრამ ეს კომპანიები იქნება ბევრად მეტი, ვიდრე მე მქონდა კომუნიკაცია, ვინაიდან ჩვენ შევქმნით სისტემას, რომელიც უზრუნველყოფს ღია კონკურენციას და კომპანიების სახელებს უკვე აქვს მეორადი, მესამედი მნიშვნელობა. დაე, მოგვაწოდონ ხარისხიანი და ხარჯეფექტური პროდუქცია", - აღნიშნა დავით სერგეენკომ.

შეგახსენებთ, რამდენიმე დღის წინ ჯანდაცვის მინისტრმა განაცხადა, რომ სექტემბრიდან 200-ზე მეტი დასახელების პირველადი მოხმარების მედიკამენტზე ფასების შემცირება მოხდება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს