ანდრეი რუდენკო - საქართველოსთან ავიამიმოსვლების აღდგენა მაშინ გახდება შესაძლებელი, როცა თბილისში რუსოფობიური კამპანია შეწყდება

2020-02-11 11:32:21, 1154 ნახვა

კომენტარი

საქართველოსთან ავიამიმოსვლების აღდგენა მაშინ გახდება შესაძლებელი, როდესაც თბილისში შეწყდება რუსოფობიური კამპანია - ამის შესახებ რუსეთის საგარეო საქმეთა მინისტრის მოადგილემ, ანდრეი რუდენკომ „რია ნოვოსტთან“ ინტერვიუში განაცხადა.

მისივე თქმით, შეზღუდვების მოხსნაზე საუბარი მას შემდეგ გახდება შესაძლებელი, როდესაც საკმარისი პირობები შექიმნება.

„ამის შესახებ საუბარი მას შემდეგ იქნება შესაძლებელი, როდესაც ამისთვის საკმარისი პირობები იქნება შექმნილი. პირველ რიგში, საუბარი მაქვს საქართველოში სიტუაციის დასტაბილიზებაზე, რუსოფობიული კამპანიის შეწყვეტაზე და ასევე, უნდა გაქრეს ნებისმიერი საფრთხე ჩვენი ქვეყნის მოქალაქეებისთვის“, - განაცხადა ანდრეი რუდენკომ.

Patreon P მხარი დაუჭირე "ექსპრესნიუსს" →

ავტორი: ელენე გვიმრაძე, ექსპრესნიუსის რეპორტიორი 2018 წლიდან