საქართველოს იუსტიციის სამინისტროს სსიპ „დანაშაულის პრევენციის ცენტრის“ ინიციატივით, ბათუმში ფეხბურთის მოყვარულ ახალგაზრდებს შორის ტურნირი იმართება.

შეჯიბრი აჭარის ა/რ სპორტისა და ახალგაზრდობის საქმეთა დეპარტამენტთან  გაფორმებული მემორანდუმის ფარგლებში დაიგეგმა.

 სულ შეირჩა 60-მდე მონაწილე, რომლებიც  დანაშაულის პრევენციის ცენტრის ახალგაზრდული პროგრამების აქტიური მონაწილეები არიან.

 მათი ასაკი 14-დან 18 წლამდეა. ჩემპიონატის გახსნას სსიპ "დანაშაულის პრევენციის ცენტრის" დირექტორი ჯონი კვინიკაძე და აჭარის ა/რ სპორტისა და ახალგაზრდობის საქმეთა დეპარტამენტის ხელმძღვანელი დავით მიქელაძე დაესწრნენ.

ჯონი კვინიკაძის განცხადებით, დანაშაულის პრევენციის ცენტრის ერთ-ერთი მიმართულებაა ახალგაზრდებში ჯანსაღი ცხოვრების წესის პოპულარიზაცია, სპორტული აქტივობების დაგეგმვა-განხორციელება.

 მისივე თქმით, მსგავსი ტურნირები ტრადიციულად ჩატარდება და უფრო მასშტაბურ სახეს მიიღებს.  გამარჯვებული გუნდი 29 ივლისს, ფინალური მატჩის დასრულების შემდეგ გამოვლინდება, რომელსაც თასი და ფასიანი საჩუქრები გადაეცემა; დაწესებულია ნომინაციებიც - სხვადასხვა ნომინაციების გამარჯვებულებს ასევე გადაეცემათ სიმბოლური პრიზები. იუსტიციის სამინისტროს დანაშაულის პრევენციის ცენტრის ახალგაზრდულ პროგრამებს შორის არის "ლიდერთა სახლი" და "მოხალისე", რომლებიც ბათუმის იუსტიციის სახლში მიმდინარეობს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსეთი საწვავის შოკის წინაშე დგას: ბენზინის ფასები ერთ წელიწადში 20%-ით გაიზარდა

„საშინელი და უპრეცედენტო რეკორდი“ - რუსეთის არმიის დანაკარგებმა უკრაინაში 1.4 მილიონს მიაღწია

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს