ჰიბრიდული მსუბუქი ავტომობილების იმპორტიორები შესაძლოა, აქციზისა და იმპორტის გადასახადისგან გათავისუფლდნენ.

ცვლილებას „საგადასახადო კოდექსი“ ითვალისწინებს, რომლის ინიციატორიც „თავისუფალი დემოკრატები“ არიან.

პროექტის თანახმად, ჰიბრიდული მსუბუქი ავტომობილების შემოყვანაზე ის შეღავათები გავრცელდება, რითიც ელექტროძრავიანი სატრანსპორტო საშუალებების იმპორტიორები სარგებლობენ.

როგორც თავისუფალი დემოკრატების წევრმა გია ცაგარეიშვილმა ჟურნალისტებს  განუმარტა, აღნიშნული კანონპროექტს გარემოსდაცვითი დატვირთვა აქვს.

„ეს არის სუფთა ეკოლოგიური, გარემოსდაცვითი ხასიათის კანონპროექტი, რომელიც მოემსახურება გარემოს გაჯანსაღებას. ქვეყანაში ტექდათვალიერება გაუქმებულია აბსოლუტურად პოპულისტური მიზნით, ასევე არის უსაშველო საცობები და სითბური აირების გამოფრქვევა კოლოსალურ მასშტაბებს აღწევს.

3 წლის მანძილზე დაახლოებით 1500 ჰიბრიდული ავტოსაშუალება იყო საქართველოში იმპორტირებული. ვფიქრობ, კანონპროექტი მხარდასაჭერია აუცილებლად“, - აღნიშნა ცაგარეიშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს