„დღევანდელი განცხადება საპატრიარქოს სპიკერის მხრიდან არის გაგრძელება პილატეს სასამართლოსი და პილატეს მიერ ხელის დაბანის გამეორებაა“, - ასე გამოეხმაურა ჭყონდიდის ყოფილი მიტროპოლიტი, მეუფე პეტრე ცაავა მამა ანდრია ჯაღმაიძის განცხადებას ე.წ. ციანიდის საქმეზე მსჯავრდებული დეკანოზის შეწყალებასთან დაკავშირებით.

როგორც მეუფე პეტრემ აღნიშნა, რადგან საქმესთან დაკავშირებით სინოდალური კომისია არ იკრიბება, აუცილებელია საკითხი საპარლამენტო კომისიამ შეისწავლოს.

„ფაქტიურად, როგორც პილატემ, ისე საპატრიარქომ დაიბანა ხელი. ხელისუფლებას და ეკლესიას ყველაზე მეტად ეშინია "ციანიდის საქმის" და ეს იმას ნიშნავს, რომ ჩვენ, საზოგადოებამ, ქართულმა ერმა მომავალი წლიდან ისევ უნდა დავსვათ საკითხი თუ არასინოდალური კომისია, რომელიც განჩინების მიუხედავად არ შედგა და არ იკრიბება, საპარლამენტო კომისია შეიკრიბოს“,- განაცხადა მეუფე პეტრემ.

შეგახსენებთ, დღეს მამა ანდრია ჯაღმაიძემ განაცხადა, რომ საპატრიარქოს შუამდგომლობებიდან, რომელიც პრეზიდენტს გაეგზავნა, მხოლოდ 5%-ია დაკმაყოფილებული. მანვე აღნიშნა, რომ შეწყალება პრეზიდენტის პრეროგატივაა.

ავტორი: ექსპრესნიუსი,

სოციალური ქსელები

უკრაინის შეიარაღებულმა ძალებმა ტვერისა და სტავროპოლში ნავთობის საწყობები დაბომბეს

მთავრობამ რუსეთიდან დიზელის საწვავის ექსპორტი აკრძალა, ბენზინისა და თვითმფრინავის საწვავის შემდეგ

ნატოს ქვეყნები ორი წლის განმავლობაში უკრაინას 140 მილიარდი ევროს ოდენობის დახმარება გამოუყოფენ

ყოფილმა მთავარსარდალმა ზალუჟნიმ მოსაზრებას, რომ რუსეთმა ომი წააგო, „სახიფათო და არასწორი“ უწოდა