ე.წ. სამხრეთ ოსეთის დე ფაქტო პრეზიდენტი ანატოლი ბიბილოვი ექიმ ვაჟა გაფრინდაშვილისთვის 1 წლით და 9 თვით პატიმრობის მისჯა ადეკვატურ განაჩენად აფასებს.

„ვერ ვიტყვი, რომ სასამართლოს გადაწყვეტილება ხისტი ან სასტიკია. სულაც არა. ადამიანმა, რომელიც კანონს არღვევს, პასუხი უნდა აგოს. თანაც, თუ ამას განზრახ აკეთებ, ეს დაუსჯელი არ უნდა დარჩეს. ერთადერთი, რაც სინანულს იწვევს, ის არის, რომ ამ სიტუაციის პოლიტიზაცია ხდება“, - განაცხადა ბიბილოვმა.

მისი თქმით, დასავლელი და ქართველი პოლიტიკოსები ქართველი მხარის მიერ საერთაშორისო სასამართლის ნორმების დარღვევაზე არ რეაგირებენ.

„სრულიად უკანონოდ, საერთაშორისო სამართლის ყველა ნორმის შელახვით, ქართულმა მხარემ სამხრეთ ოსეთის ტერიტორიაზე პოსტი დადგა. სამწუხაროდ, ამას არავინ აქცევს ყურადღება, იმ ადამიანის საქციელიდან კი, რომელმაც გააზრებულად ჩაიდინა დანაშაული, პოლიტიკას აკეთებენ“, - განაცხადა დე ფაქტო ლიდერმა.

შეგახსენებთ, რომ 20 დეკემბერს ცხინვალის საოკუპაციო რეჟიმმა ე.წ უკანონო საზღვრის კვეთისთვის ვაჟა გაფრინდაშვილს 1 წლითა და 9 თვით პატიმრობა შეუფარდა.

მომხდარს ევროკავშირი, ამერიკის საელჩო, გერმანიის ელჩი, ლიეტუვის საგარეო საქმეთა მინისტრი და სადამკვირვებლო მისიაც გამოეხმაურნენ.

ავტორი: ექსპრესნიუსი,

სოციალური ქსელები

ირანი აცხადებს, რომ აშშ-ის საჰაერო თავდასხმების შედეგად 14 ადამიანი დაიღუპა

აი ჯი დეველოფმენტ ჯორჯიამ, გალტ & თაგარტის ექსკლუზიური მხარდაჭერით, 39.5 მილიონი აშშ დოლარის მწვანე ობლიგაციები განათავსა

კორეული პრემიუმ ბრენდი Manyo უკვე PSP-შია

სახელმწიფოს ლამარიას მონასტრის ტერიტორიაზე კელიების სამშენებლო სამუშაოებზე სააგენტოს ნებართვა არ გაუცია, ეპარქია თავს იმართლებს