არტილერიული იერიშის შედეგად მარიუპოლში 16 ადამიანი დაიღუპა, 83 დაშავდა

2015-01-24 17:27:09, 2866 ნახვა

მსოფლიო

ე.წ. დონეცკის სახალხო რესპუბლიკის მხრიდან მარიუპოლის დაბომბვა გრძელდება.

ბოლო მონაცემებით, არტილერიული იერიშის შედეგად 16 ადამიანი დაიღუპა, 83 კი დაშავდა. მათგან 11-ის მდგომარეობა უკიდურესად მძიმეა.

ქალაქის საავადმყოფოები გადავსებულია და საგანგებო რეჟიმში მუშაობენ.

თავის მხრივ, ე.წ. დონეცკის სახალხო რესპუბლიკის ხელმძღვანელობა მარიუპოლის დაბომბვაში უკრაინელ სამხედროებს ადანაშაულებს და ქალაქის დაბომბვას პროვოკაციას უწოდებს.

შეგახსენებთ, რომ დონეცკის სახალხო რესპუბლიკის დე-ფაქტო ხელმძღვანელმა ალექსანდრ ზახარჩენკომ კიევთან მოლაპარაკებებზე უარი განაცხადა და დონეცკის ოლქის საზღვრამდე შეტევის პირობა დადო.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან