პარლამენტში დღეს მიმდინარე ანაკლიის პროექტის განხილვა დასრულდა. 

როგორც დეპუტატებმა პროექტის განხილვისისას განაცხადეს, მთავრობა ამ პროექტთან მიმართებაში დაპირისპირებისკენ გადაიხარა. 

პარლამენტის წევრის, ლევან კობერიძის თქმით, დღევანდელმა სხდომამ ანაკლიის პროექტის მიმართ არსებული ბუნდოვანება შედარებით შეამსუბუქა.

"დღეს იყო ღია ფორმატი და ვთვლი, რომ ამ შეხვედრის ჩატარება სწორი გადაწყვეტილება იყო. მივიღეთ საკმაოდ დიდი რაოდენობის ინფორმაცია ანაკლიის პროექტთან დაკავშირებით, რომლებიც კონფერენციებზე ურთიერთდაპირისპირების და პოლიტიკური დღის წესრიგის პროცესში ვერ ჟღერდებოდა. დღეს ჩვენ პოლიტიკური დღის წესრიგისაგან დაცულ რეჟიმში მივიღეთ საკმაოდ ბევრი ინფორმაცია, უშუალოდ ანაკლიის პორტის ფინანსურ, ლოჯისტიკურ პერსპექტივებსა და ბევრ სხვა თემებზეც. ამ ფონზე მთავრობის და ინფრასტრუქტურის გადაწყვეტილება, რომ არ მიიღეს ამ პროექტის განხილვაში მონაწილეობა, არასწორი იყო. მათი მოლოდინებიდან გამომდინარე, დღევანდელ სხდომაზე იყო საქმეზე მსჯელობა და არ იყო პოლიტიკური ინტრიგები. თუკი ორივე თვალით გვქონდა ბუნდოვანების მომენტი, ამ შეხვედრის შემდეგ ცალი თვალით მაინც გამოვიხედეთ. მეორე თვალიდან გამოვიხედებით თუ არა, ეს იქნება ინფრასტრუქტურის სამინისტროს მხრიდან იმ ინფორმაციის საჯაროდ მოწოდებაზე და ჩვენთან ერთად საუბარზე, როგორც დღეს ჩვენ შემთხვევაში მოხდა. ანაკლიის კონსორციუმის მხრიდან წარმოდგენილი იყო სამი პუნქტი, საიდანაც ერთ-ერთი 150 მილიონიდან 50 მილიონის სახელმწიფოს მხრიდან შესაძლო ინტერვენციაზე, რომელიც ძალიან საინტერესო ფორმით არის გამოხატული. აქ არ არის საუბარი იმაზე, რომ ამ თანხას სახელმწიფო პირდაპირ ჩადებს და დაკარგავს ან ფაქტობრივად, სესხად გასცემს. ეს სახელმწიფოსთვის წაუგებელი ვარიანტია და თუ ჩვენ გვინდა ანაკლიის პროექტი, სახელმწიფომ ეს ნაბიჯი უნდა გადადგას", - განაცხადა ლევან კობერიძემ.

მოამზადა გიორგი ჩაფიძემ

ავტორი: ექსპრესნიუსი,

სოციალური ქსელები

ლავროვმა განაცხადა, რომ რუსეთი ომს უკრაინის სრულ კაპიტულაციამდე გააგრძელებს.

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს