"მგონია, რომ 2020 წლის არჩევნებამდე ბევრი რამ შეიცვლება ისე, რომ შეიძლება სრულიად განსხვავებული პოლიტიკური სურათი ვნახოთ", - ამის შესახებ პარლამენტის დამოუკიდებელმა დეპუტატმა ეკა ბესელიამ განაცხადა.

მისი თქმით, ახალ პარლამენტში გადამწყვეტი იქნება ძალთა კონფიგურაცია.

„როცა ვლაპარაკობთ მომავალი წლის არჩევნებზე, მგონია, რომ ბევრი რამ შეიცვლება იქამდე ისე, რომ შეიძლება სრულიად განსხვავებული პოლიტიკური სურათი ვნახოთ არჩევნებამდე რამდენიმე თვით ადრე. ამიტომ ვინც ახლა პროგნოზებს აკეთებს, ციფრებს ასახელებს, მე მგონი ცდება, იმიტომ რომ, სრულიად სხვა რეალობის წინაშე აღმოჩნდება არჩევნებამდე რამდენიმე თვით ადრე. რაც შეეხება ვისთან შეიძლება ვითანამშრომლოთ, მოდით მივუახლოვდეთ არჩევნების წინა პერიოდს მაინც და დავინახოთ პოლიტიკური სურათი. გადამწყვეტი იქნება, ახალ პარლამენტში ძალთა კონფიგურაცია. ჩემი პირადად მოსაზრებაა და სურვილი, რომ ახალი უმრავლესობა პარლამენტში შექმნან ახალმა პოლიტიკურმა ძალებმა. არა არსებულმა, არა წარსულმა, არამედ ახალი პოლიტიკური ერთობა შეიქმნას“, - განაცხადა ეკა ბესელიამ.

მოამზადა ლანა მრავლაძემ

ავტორი: ექსპრესნიუსი,

სოციალური ქსელები

ლავროვმა განაცხადა, რომ რუსეთი ომს უკრაინის სრულ კაპიტულაციამდე გააგრძელებს.

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს