დასაქმების სააგენტოს დირექტორი თემურ კახიძე აჭარის ავტონომიური რესპუბლიკის ტურიზმისა და კურორტების დეპარტამენტის თავმჯდომარესთან მამუკა ბერძენიშვილთან ერთად პროფესიულ კოლეჯ ,,ახალ ტალღას’’ ეწვია და პროფესიული გადამზადების მიზნობრივი პროგრამის ფარგლებში სწავლის პროცესს დაესწრო.

სააგენტოს ინფორმაციით, თემურ კახიძე პროგრამით მოსარგებლეებს სწავლის შესახებ გაესაუბრა. ბენეფიციარები, კმაყოფილებას გამოთვქვამდნენ და აღნიშნავდნენ რომ აქ მიღებული თეორიული და პრაქტიკული განათლება მათ დასაქმებას შეუწყობს ხელს.

„ვინაიდან აჭარისთვის პრიორიტეტი ტურიზმი არის, დასაქმების სააგენტოს მოვალებაა ხელი შევუწყოს ამ სფეროს განვითარებას. 2014 წელს სააგენტომ ჩაატარა შრომის ბაზრის კვლევა. კვლევის შედეგად გაირკვა, რომ სასტუმრო ბიზნესის განსაკუთრებით ინტენსიურად განვითარების შესაბამისად გაზრდილია მოთხოვნა სასტუმრო და სარესტორნო სპეციალობებზე. დამსაქმებლები კი თავისი მხრივ პრეტენზიას კადრების პროფესიონალიზმზე გამოთქვამენ. აქვე აღნიშნავენ, რომ მათ არ ყოფნიდათ ფინანსური რესურსი არსებული კადრების გადასამზადებლად. სწორედ ამ კვლევაზე დაყრდნობით დასაქმების სააგენტო დღეისათვის გადამზადების მიზნობრივ პროგრამას ახორციელებს“, - აცხადებენ დასაქმების სააგენტოში.

სააგენტოს ბენეფიციარები საზოგადოებრივ კოლეჯ ,,ახალ ტალღაში’’ იმ პროფესიებში გადიან სწავლებას რომელებიც შრომის ბაზრის კვლევის შედეგად იქნა გამოვლენილი.

პროგრამის ფარგლებში სწავლება 15 ივნისს დაიწყო. 250 ბენეფიციარი სამთვიანი სასწავლო პროგრამით შემდეგ სპეციალობებში გადამზადდება: მზარეული, კონდიტერი, სარესტორნო საქმისმწარმოებელი, სასტუმრო საქმისმწარმოებელი, შემდუღებელი, ამწის ოპერატორი და მძიმე ტექნიკის ოპერატორი.

სწავლის განმავლობაში მაღალმთიანი აჭარის მაცხოვრებლები სასწავლებლის საერთო საცხოვრებლით სარგებლობენ, ხოლო, ბათუმში და ხელვაჩაურში მცხოვრები პროგრამის მოსარგებლე ბენეფიციარებისათვის უზრუნველყოფილია ტრანსპორტი.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსეთი საწვავის შოკის წინაშე დგას: ბენზინის ფასები ერთ წელიწადში 20%-ით გაიზარდა

„საშინელი და უპრეცედენტო რეკორდი“ - რუსეთის არმიის დანაკარგებმა უკრაინაში 1.4 მილიონს მიაღწია

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს