2015-07-09 16:56:32, 541 ნახვა
პოლიტიკა
პრემიერმა სახელმწიფო რწმუნებულებთან სამუშაო შეხვედრა გამართა
საქართველოს პრემიერ-მინისტრმა ირაკლი ღარიბაშვილმა სახელმწიფო რწმუნებულებთან სამუშაო შეხვედრა გამართა.
მთავრობის ადმინისტრაციის პრესსამსახურის ინფორმაციით, შეხვედრაზე საუბარი შეეხო რეგიონებში არსებულ მდგომარეობას.
პრემიერმა გუბერნატორებისგან მოისმინა ინფორმაცია მიმდინარე პროექტების შესახებ. მთავრობის მეთაური ასევე დაინტერესდა, რამდენად არიან მზად რეგიონები ტურისტული სეზონისთვის.
შეხვედრას მთავრობის ადმინისტრაციის რეგიონებსა და ადგილობრივ თვითმმართველ ორგანოებთან ურთიერთობის დეპარტამენტის უფროსი გიორგი ამაშუკელი დაესწრო.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
