„არაორდინალურ სიტუაციაში აღმოვჩნდი გენერალური პროკურორის თანამდებობაზე, თუმცა ის კრიზისი, რაც არსებობდა  პროკურატურაში და  რის გამოც ეს ცვლილება განხორციელდა, დღეს გადაჭრილია“. - ამის შესახებ უზენაესი სასამართლოს მოსამართლეობის კანდიდატმა, გენერალურმა პროკურორმა  შალვა თადუმაძემ იუსტიციის საბჭოს არამოსამართლე წევრის ანა დოლიძის კითხვაზე საპასუხოდ განაცხადა.

მან აღნიშნა, რომ სწორი ღონისძიებების განხორციელების შედეგად პროკურატურა ნდობის მოპოვებას შეძლებს.

„დღეს ეს კრიზისი გადაჭრილია და შესაბამისად,  კონკრეტული დაზარალებულის ნდობაც პროკურატურის მიმართ არის არსებითად შეცვლილი.  ეს მისი საჯარო განცხადებაა და არა ჩემი. მე მიმაჩნია, რომ ასეთი სწორი ღონისძიებებით- დაზარალებულებთან სწორი კომუნიკაციით, ბრალდებულთან სამართლიანი მოპყრობით, ნაბიჯ-ნაბიჯ შესაძლებელია პროკურატურა ჯერ დაუბრუნდეს ნდობის იმ მაჩვენებელს, რაც კრიზისამდე  არსებობდა და შემდეგ განახორციელოს განვითარება“, - განაცხადა შალვა თადუმაძემ.

მისი თქმით, პროკურატურა ნდობის მოსაპოვებლად კონკრეტულ ღონიძიებებს ახორციელებს.

„ჩვენ ვმუშაობთ დეცენტრალიზაციის რეფორმაზე, განათლების რეფორმაზე, საზოგადოებასთან ურთიერთობის სტრატეგიაზე. ასე, რომ ის ერთობლიობა, რაც პროკურატურაში დაგეგმილია, ხორციელდება და გარკვეულწილად შედეგებიც არსებობს  მიუთითებს იმაზე, რომ პროკურატურის დინამიკა  არის განვითერბული“, - აღნიშნა შალვა თადუმაძემ.

ავტორი: ექსპრესნიუსი,

სოციალური ქსელები

SJP-მ ფორმულას, ტვ პირველისა და პუბლიკას საქმეებზე განგაშის სიგნალი ჩართო

ცაგერის საკრებულოს დეპუტატი „ქურდული სამყაროს“ მხარდაჭერის ბრალდებით დააკავეს

მარეგულირებელი კომისიის მიერ ტვ პირველისთვის დაკისრებული სანქციის გამო, ევროსაბჭომ განგაში გამოაცხადა

ე.წ. ქურდული გარჩევების საქმეზე დაკავებული ლალო გველესიანი და სხვა პირები პატიმრობაში გაუშვეს