„ჩვენ დავასრულებთ იმაზე საუბარს, რომ 21-ე საუკუნეში არსებობს უშუქო სოფლები საქართველოში. ჯამურად, საქართველოში 140 სოფელია, სადაც დაახლოებით 600 აბონენტია, რომელთა ელექტრიფიკაციასაც სამი მიმართულებით განვახორციელებთ“,  - განაცხადა ეკონომიკისა და მდგრადი განვითარების მინისტრმა ნათია თურნავამ პარლამენტში დარგობრივი ეკონომიკისა და ეკონომიკური პოლიტიკის კომიტეტის სხდომაზე გამოსვლისას.

 მინისტრის განცხადებით, პირველი, ეს არის ელექტროგადამცემი ხაზების მიყვანა იქ, სადაც ეს შესაძლებელია. ასეთი სოფლებია მესტიის მუნიციპალიტეტში ხალდე და ჰეშკილი. ამ სოფლების ელექტრიფიკაციის პროექტისთვის ბიუჯეტში თანხა გამოყოფილია და დაიწყება აქტიური მშენებლობა.

 „მეორეც, იქ სადაც შეუძლებელია, რომ მივაერთოთ საერთო გადამცემ ინფრასტრუქტურას, იქ გვექნება ავტონომიური გადაწყვეტილებები. მაგალითად, მიკროჰესების რეაბილიტაცია. რაც შეეხება მესამე მიმართულებას, ესაა მზის პანელების მონტაჟი იქ, სადაც ელექტროენერგიის მიღების სხვა წყარო არ არსებობს", - განაცხადა ნათია თურნავამ.

(NS)

ავტორი: ექსპრესნიუსი,

სოციალური ქსელები

თბილისში შაბათის ტრადიციული მარში გაიმართა

ბათუმში, 22 ივლისს მომხდარ დაჭრის საქმეზე პოლიციამ არასრულწლოვანი დააკავა

პატრიარქმა კირილმა ბირთვული იარაღის შექმნას „ღვთაებრივ გეგმას“ უწოდა

ფონ დერ ლაიენი: სეუტიდან ვერცერთმა მიგრანტმა ვერ შეძლო ესპანეთის მატერიკულ ნაწილში ჩასვლა