"ევროპული საქართველოს" წევრი სერგი კაპანაძე აცხადებს, რომ კეთილშობილური მიზნების მიუხედავად, დავით გარეჯში აქციის ჩატარებამ შეიძლება ქვეყნისთვის სავალალო შედეგებამდე მიგვიყვანოს. 

დეპუტატი ვითარების გამწვავებაზე სრულ პასუხისმგებლობას საქართველოს ხელისუფლებას აკისრებს. 

"დავით გარეჯის პრობლემა საქართველოს ხელისუფლების, კონკრეტულად კი საქართველოს პრეზიდენტის უპასუხისმგებლო განცხადებების პირდაპირი დამსახურებაა, ისევე, როგორც მოშლილი სახელმწიფოებრივი მანქანის და იმის, რომ ამ პერიოდის განმავლობაში სახელმწიფო კომისია არ მუშაობდა. ამ ყველაფერმა მიგვიყვანა იქამდე, რაც დღეს ხდება. მე მესმის, რომ არიან ადამიანები, რომელთან გულწრფელად უნდათ, რომ წვლილი შეიტანონ და გულწრფელად პატრიოტული მოტივები აქვთ რომ ეს პრობლემა საქართველოს სასარგებლოდ მოგვარდეს, მაგრამ ყველას კარგად უნდა ესმოდეს, რომ ხშირად ასეთი ურა პატრიოტიზმი და ვაი პატრიოტული ქმედებები, განცხადებები, გამოსვლები, დემარშები და სხვა შეიძლება სიტუაციის კიდევ უფრო გართულების გამომწვევი იყოს. ამიტომ, მე მინდა ყველას მოვუწოდო,  თავი შეიკავონ ისეთი ქმედებებისა და ნაბიჯებისგან, ისეთი განცხადებებისა და ჟესტებისგან, რომელთაც შეიძლება კიდევ უფრო გააუარესოს მდგომარეობა", - განაცხადა სერგი კაპანაძემ.

ავტორი: ექსპრესნიუსი,

სოციალური ქსელები

კახა კალაძე 4 ოქტომბრის საქმეზე მორიგ დაკავებაზე: შესაბამისი საგამოძიებო უწყებები მოწოდების სიმაღლეზე არიან, ყველამ უნდა აგოს პასუხი

კახა კალაძე ელისაშვილის განაჩენზე: როდესაც კანონს ცდები, ყოველთვის მოყვება შესაბამისი რეაგირება

პოლიციამ ფატიმა კარიმოვას მკვლელობისთვის ძებნილი ბიძაშვილი, ემინ ალიევი ბათუმის საერთაშორისო აეროპორტში დააკავა

Apple-მა OpenAI-ს უჩივლა და კომპანიას სავაჭრო საიდუმლოებების მოპარვაში დასდო ბრალი