ორმა მთავარმა პოლიტიკურმა ძალამ უმრავლესობა დაკარგა - ევროპარლამენტში არჩევნები დასრულდა

2019-05-27 14:07:08, 2190 ნახვა

მსოფლიო

ევროპარლამენტში არჩევნები დასრულდა, - ამის შესახებ BBC იუწყება.

მედია საშუალების ინფორმაციით, ორმა მთავარმა ბლოკმა უმრავლესობა დაკარგა. საუბარია მმართველ ევროპის სახალხო პარტიაზე (EPP), რომელსაც ევროპარლამენტში 179 წარმომადგენელი ეყოლება, ასევე სოციალისტებისა და დემოკრატების ჯგუფზე (S&D). მათ ევროპარლამენტში 150 დეპუტატი ეყოლებათ.

მედიის ცნობით, ევროპარლამენტის ახალ შემადგენლობაში ძლიერი პოზიციები მწვანეთა პარტიებს და ლიბერალებს ექნებათ. პოზიციები განსაკუთრებით ლიბერალურმა ჯგუფმა „ალდემ“ გაიმაყარა. მათ 107 დეპუტატი ეყოლებათ.

ანალიტიკოსები მიიჩნევენ, რომ ევროპარლამენტში ეფექტური უმრავლესობის ჩამოყალიბებისთვის, სულ მცირე სამი ფრაციის ალიანსია საჭირო.

დიდი ყურადღება ასევე, ბრიტანეთში მიმდინარე არჩევნებზე იყო მოპყრობილი. Brexit-ის ახალმა პარტიამ, რომლის ლიდერი ნაიჯელ ფარაჯია, ევროპარლამენტის არჩევნებზე გაიმარჯვა. პარტიამ ხმების უმრავლესობა მიიღო. მეორე ადგილზე ლიბერალ-დემოკრატები გავიდნენ, რომლებიც ევროკავშირიდან გაერთიანებული სამეფოს გასვლის მოწინააღმდეგეები იყვნენ.

არჩევნების დასრულების შემდეგ ევროსაბჭოს პრეზიდენტმა დონალდ ტუსკა კმაყოფილება გამოთქვა, რომ აქტივობა წინა არჩევნებთან შედარებით მაღალი იყო. არჩევნებში 50%-ზე მეტმა მოქალაქემ მიიღო.

საკუთარი არჩევანი პირველებმა ბრიტანელებმა და ნიდერლანდელებმა დააფიქსირეს. პარასკევს არჩევანი ირლანდიელებმა დააფიქსირეს. შაბათს არჩევნები ლიტვაში, მალტასა და სლოვაკეთში ჩატარა, დანარჩენმა ქვეყნებმა პოზიცია კვირას დააფისქირეს.

ევროპარლამენტში 751 ადგილია, დიდ ბრიტანეთის ევროკავშირიდან გასვლის შემთხვევაში კი 705 ადგილი დარჩებოდა.

ევროპარლამენტის არჩევნები 5 წელიწადში ერთხელ ტარდება. ბოლო არჩევნები 2014 წლის 22-25 მაისს გაიმართა.