ეკონომიკისა და მდგრადი განვითარების მინისტრის ნათია თურნავა იმედოვნებს, რომ გაფიცულ მაღაროელებსა და „ჯორჯიან მანგანეზს“ შორის შეთანხმება შედგება.

თურნავამ აღნიშნა, რომ „ჯორჯიან მანგანეზი“ საქართველოს ეკონომიკის მნიშვნელოვანი ნაწილია და მხარეებს მოლაპარაკებების დაჩქარებისკენ მოუწოდა.  

„პირველ რიგში, ჩვენთვის ძალიან პრინციპულია, რომ ადამიანების მოთხოვნა, რომ მათ ღირსეული შრომის პირობები ჰქონდეთ, იყოს დაცული და შესრულებული. ეს რა თქმა უნდა, შეეხება კვების ნორმალურ პირობებს, შრომის უსაფრთხოებას, ადგილზე სამედიცინო მომსახურების გაწევას და ყველაფერს, რაც ელემენტარული, ღირსეული შრომის პირობების შემადგენელია. სახელმწიფო თავიდანვე ჩართულია ამ პროცესებში, კერძოდ, შრომის ინსპექცია ჩართულია მედიაციის პროცესში და ისევ ვამბობ, რომ ყველაფერი, რაც შეეხება შრომის, ღირსეული და უსაფრთხო პირობების უზრუნველყოფას,  ჩვენთვის ძალიან მნიშვნელოვანი პრიორიტეტია. აქ ჩვენ ყველანი ვიზიარებთ ჭიათურელების მოთხოვნას, ვიქნებით შეუპოვრები და პრინციპულები. რაც შეეხება სხვა მოთხოვნებს - ფინანსურ პაკეტს, ხელფასებს, ამასაც ჩვენ ძალიან ყურადღებით ვადევნებთ თვალს. ვიცით რომ  კომპანიას საკმაოდ სოლიდური შემოთავაზება აქვს გაკეთებული და  მოლაპარაკება მიმდინარეობს. ჩვენ ძალიან დიდი იმედი გვაქვს, რომ ორივე მხარის მონდომებით მიღწეული იქნება თანხმობა და კონსესუსი, იმიტომ, რომ ეს ჩვენი მნიშვნელოვანი ინდუსტრიული გიგანტი, როგორიცაა ჭიათურ მანგანუმი და რომელიც 3000 ადამიანზე მეტს ასაქმებს, მუშაობის ნორმალურ პირობებს რაც შეიძლება მალე დაუბრუნდეს. გაფიცულებს მოვუწოდებ, მაქსიმალურად ისარგებლონ მედიაციის პროცედურებით, რაც კანონმდებლობით სწორედ ასეთი ვითარების განსამუხტადაა შემოთავაზებული. ჩვენ ასევე მოვუწოდებთ მათ, რომ აქტიურად ჩაერთონ მოლაპარაკების პროცესში, იმიტომ, რომ ასეთი საკითხები  მხოლოდ დიალოგით გადაწყდება და დიალოგს ალტერნატივა არ აქვს. ვფიქრობთ, რომ ორივე მხარის ინტერესებშია ოპერატიუალი მოლაპარაკება და კონსესუსი“, - განაცხადა ეკონომიკის მინისტრმა.

ცნობისთვის, ჭიათურაში, მაღაროელები უკვე მე-7 დღეა შიმშილობენ. ისინი აცხადებენ, პროტესტი იქამდე გაგრძელდება, სანამ ყველა მაღაროელის მოთხოვნა არ დაკმაყოფილდება. 

ავტორი: ექსპრესნიუსი,

სოციალური ქსელები

კახა კალაძე 4 ოქტომბრის საქმეზე მორიგ დაკავებაზე: შესაბამისი საგამოძიებო უწყებები მოწოდების სიმაღლეზე არიან, ყველამ უნდა აგოს პასუხი

კახა კალაძე ელისაშვილის განაჩენზე: როდესაც კანონს ცდები, ყოველთვის მოყვება შესაბამისი რეაგირება

პოლიციამ ფატიმა კარიმოვას მკვლელობისთვის ძებნილი ბიძაშვილი, ემინ ალიევი ბათუმის საერთაშორისო აეროპორტში დააკავა

Apple-მა OpenAI-ს უჩივლა და კომპანიას სავაჭრო საიდუმლოებების მოპარვაში დასდო ბრალი