საქართველოს ყოფილი პრეზიდენტი მიხეილ სააკაშვილი ყვარელში ახალგაზრდული სკოლის დაარსებას აანონსებს, სადაც ოლიგარქთან ბრძოლის სტრატეგიას ასწავლიან, - ამის შესახებ სააკშვიმა Facebook-ის საკუთარ გვერდზე გამოქვეყნებულ ვიდეო მიმართვაში განაცხადა.

როგორც მან აღნიშნა, საქართველოში დასაბრუნებლად საფუძველს ამზადებს.

„ყვარელში ვაანონსებთ ახალგაზრდული სკოლის შექმნას ზაფხულში, აქ 500 ახალგაზრდას მივიწვევთ, ვესაუბრებით ბრძოლის თანამედროვე ტექნოლოგიებზე, საინფორმაციო მეთოდებზე, რეფორმირებაზე, ანტისაოკუპაციო პოლიტიკაზე, იმაზე, თუ როგორ ამოვათრიოთ საქართველო ჭაობიდან ივანიშვილის მოშორების შემდეგ და რა თქმა უნდა, ოლიგარქთან ბრძოლის ტაქტიკაზე, სტრატეგიაზე და ამას ერთად ჩამოვაყალიბებთ. თავს ნუ შეიწუხებთ იქ სუს-ის ხალხის ჩანერგვით, რადგან სიცრუის დეტექტორზე შევამოწმებთ თითოეულ კანდიდატს და ვერავინ გაგვიძვრება. აქ მოვიწვევთ უცხოელებს, კულტურის მოღვაწეებს და ა.შ. ეს იქნება ის სკოლა, რომელიც შეადგენს ბირთვს მომავალი ძალიან მკვეთრი ეტაპისთვის ჩვენი ოლიგარქის მოშორების შემდგომი ქმედებების მხრივ. ნებისმიერი ნიჭიერი ადამიანი, მიუხედავად პარტიული კუთვნილებისა, მიღებული იქნება. მე თვითონაც ჩავერთვები დისტანციურად, რადგან რა თქმა უნდა, მე ვამზადებ საფუძველს ჩემი დაჩქარებული დაბრუნებისთვის საქართველოში და ბრძოლაში ჩართვისთვის“, - განაცხადა საქართველოს ყოფილმა პრეზიდენტმა.

ავტორი: ექსპრესნიუსი,

სოციალური ქსელები

კახა კალაძე 4 ოქტომბრის საქმეზე მორიგ დაკავებაზე: შესაბამისი საგამოძიებო უწყებები მოწოდების სიმაღლეზე არიან, ყველამ უნდა აგოს პასუხი

კახა კალაძე ელისაშვილის განაჩენზე: როდესაც კანონს ცდები, ყოველთვის მოყვება შესაბამისი რეაგირება

პოლიციამ ფატიმა კარიმოვას მკვლელობისთვის ძებნილი ბიძაშვილი, ემინ ალიევი ბათუმის საერთაშორისო აეროპორტში დააკავა

Apple-მა OpenAI-ს უჩივლა და კომპანიას სავაჭრო საიდუმლოებების მოპარვაში დასდო ბრალი