"არჩევნების დღემ ძირითადად მშვიდ გარემოში ჩაიარა“, - ამის შესახებ ცენტრალური საარჩევნო კომისიის თავმჯდომარე, თამარ ჟვანიამ არჩევნების პირველადი შედეგების წარდგენისას ბრიფინგზე განაცხადა.

როგორც ცესკო-ს თავმჯდომარემ განმარტა, ნებისმიერ ფაქტსა თუ საკითხს რომელიც შეეხება დარღვევას, საარჩევნო ადმინისტრაცია კანონით დადგენილ ვადებში განიხილავს.

„2019 წლის 19 მაისის არჩევნები შედეგების ხმის დათვლისა და შედეგების შეჯამების პროცესი დასასრულისკენ მიდის. სანამ უშუალოდ შედეგებს გაგაცნობთ, მინდა, პირველ რიგში, იმ 173 361 ამომრჩეველს გადავუხადო მადლობა, რომელთაც ჩვენი წინასწარი მონაცემების მიხედვით მიიღეს არჩევნებში მონაწილეობა და შეასრულეს საკუთარი მოქალაქეობრივი ვალი. მინდა ხაზგასმით ავღნიშნო, საარჩევნო ადმინისტრაციის თავდაუზოგავი მუშაობა და მადლობა გადავუხადო საუბნო საარჩევნო კომისიის ყველა წევრს მათ მიერ გაწეული საქმიანობისთვის, რომელთაც შექმნეს ყველა პირობა არმომრჩევლების ხმების რეალიზებისთვის. ასევე მადლობას ვუხდი იმ ჩართულ მხარეებს, რომლებიც პასუხისმგებლობით მოეკიდნენ საქმეს და ხელი შეუწყვეს საარჩევნო პროცესის გამჭვირვალობას და შეუფერხებელ წარმოებას. კიდევ ერთხელ ავღნიშნავთ, რომ არჩევნების დღემ ძირითადად მშვიდ გარემოში ჩაიარა, მიუხედავად ცალკეული შემთხვევებისა კენჭისყრის შენობის გარეთ. ამასთან, ნებისმიერ ფაქტსა თუ საკითხს, საარჩევნო ადმინისტრაცია განიხილავს კანონით დადგენილ ვადებში და ცხადია ექნება შესაბამისი რეაგირება“, - განაცხადა თამარ ჟვანიამ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

კახა კალაძე 4 ოქტომბრის საქმეზე მორიგ დაკავებაზე: შესაბამისი საგამოძიებო უწყებები მოწოდების სიმაღლეზე არიან, ყველამ უნდა აგოს პასუხი

კახა კალაძე ელისაშვილის განაჩენზე: როდესაც კანონს ცდები, ყოველთვის მოყვება შესაბამისი რეაგირება

პოლიციამ ფატიმა კარიმოვას მკვლელობისთვის ძებნილი ბიძაშვილი, ემინ ალიევი ბათუმის საერთაშორისო აეროპორტში დააკავა

Apple-მა OpenAI-ს უჩივლა და კომპანიას სავაჭრო საიდუმლოებების მოპარვაში დასდო ბრალი