19 მაისს, ზუგდიდი, სავარაუდოდ, დაძაბულობის ცენტრი გახდება, მოვუწოდებთ დამკვირვებლებს, განსაკუთრებული ყურადღება სწორედ ზუგდიდს მიაპყრონ, - ამის შესახებ პარლამენტის პირველმა ვიცე-სპიკერმა თამარ ჩუგოშვილმა ბრიგინგზე განაცხადა.

ჩუგოშვილი მიიჩნევს, რომ შესაძლებელია სტაბილური საარჩევნო პროცესი დაძაბულობაში გადაიზარდოს.

„სულ რამდენიმე დღეა დარჩენილი შუალედურ არჩევნებამდე. გუშინდელ დღემდე საარჩევნო პროცესი მიმდინარეობდა ძირითადად მშვიდ ვითარებაში, გუშინ კი ცხადი გახდა რომ დაძაბულობის ცენტრი გახდება ზუგდიდი. ჩვენ ვიხილეთ აჟიოტაჯი საარჩევნო კომისიასთან. როგორც ცესკო-მ გააკეთა განცხადება სააღცენო ინვენტარისა და დოკუმენტაციის გადაცემის პროცესში არ ყოფილა არანაირი კანონდარღვევა. საოლქო საარცევნო კომისია კანონის მოთხოვნების სრული დაცვით, სრულიად საჯაროდ და გამჭვირვალედ მოქმედებდა. სრული პასუხისმგებლობით შემიძლია გავიმეორო და დავადასტურო ეს განცხადება, რომ გუშინდელ შემთხვევაში არანაირი კანონდარღვევა არ ყოფილა. მიუხედავად ამისა, ვნახეტ ამ ფაქტის გარშემო დაძაბულობის შექმნის მცდელობა.  ამ პროცესის ნაწილია ასევე ოპოზიციის განცხადება, რომ ხდება 5000 აქტივისტის მობილიზება საქართველოს სხვადასხვა რეგიონებიდან ქალაქ ზუგდიდში, რაც იმის მანიშნებელია, რომ ვითარების ექსკალაცია იგეგმება სწორედ ამ ადგილას. ჩვენთვის ეს იმის დასტურია რომ „ქართული ოცნების“ კანდიდატს აქვს ზუგდიდში ძლიერი ოზიციები და იმარჯვებს ამ არჩევნებში, ხოლო ოპოზიციის კანდიდატი მარცხდება. ამიტომ ვხედავთ მცდელობას სტაბილური საარჩევნო პროცესი გადაიზარდოს დაძაბულობაში. ნებისმიერ კანონდარღევას, ძალადობასა და პროვოკაციას, რომელსაც შესაძლოა ჰქონდეს ადგილი, სახელმწიფოს მხრიდან მოჰყვება მკაცრი, კანონისიერი რეაგირება. მინდა მივმართო დამკვირვებელ ორგანიზაციებს, როგორც საელჩოებსა და საერთაშორისო ორგანიზაციებს, განკაკუთრებული ყურადღება მიაპყრონ სწორედ ზუგდიდს, იმიტომ რომ ყველნაირი ნიშანი არსებობს იმისა, რომ შესაძლებელია ვითარების დაძაბვის მცდელობა სწორედ ამ ადგილას მოხდეს. ჩვენი ამოცანაა, რომ არჩევნებმა თავისუფალ, სამართლიან და მშვიდ გარემოში ჩაიაროს“, - აღნიშნა თამარ ჩუგოშვილმა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

საია: ევროპის საბჭოს კომისარი შეუერთდა საქართველოს „უცხოელი აგენტების“ შესახებ კანონის საქმეს

ჰერჩინსკი - მსოფლიო გამოწვევებთან გამკლავებით, ევროპა მხოლოდ ძლიერდება, საქართველო მათ შორის არ არის

"თეგეტამ" Rainmaking-ისა და Startupbootcamp Georgia-ს ლიდერშიფსერიის პირველ ღონისძიებას უმასპინძლა

კახა კალაძე 4 ოქტომბრის საქმეზე მორიგ დაკავებაზე: შესაბამისი საგამოძიებო უწყებები მოწოდების სიმაღლეზე არიან, ყველამ უნდა აგოს პასუხი