ქუვეითში რუსეთის ელჩი ნიკოლაი მაკაროვი ადგილობრივ კრიმინალებს ალკოჰოლით ამარაგებდა, - ამის შესახებ newsru.nl იუწყება.

მედია საშუალების ინფორმაციით, ქუვეითში რუსეთის საელჩო მას შემდეგ გაეხვა სკანდალში, რაც რუსი დიპლომატები ალკოჰოლით უკანონო ვაჭრობაში ამხილეს. აღსანიშნავია, რომ ქვეყნის ტერიტორიაზე ალკოჰოლის გაყიდვა კანონით აკრძალულია და ამ კანონის დარღვევა სიკვდილით ისჯება.

მედიის ცნობით, ქვეყანაში მცხოვრებ უცხოელ დიპლომატებს კანონით აქვთ უფლება თვეში გარკვეული რაოდენობის ალკოჰოლი მიიღონ, აგრეთვე გამონაკლისია სხვადასხვა ღონისძიებები და დღესასწაულები.

დადგინდა, რომ რუსეთის ელჩი საელჩოს ყველა თანამშრომელს პირადად აკონტროლებდა, რათა მათ ალკოჰოლის გაყიდვა თვითნებურად არ ეწარმოებინათ. უკანონო სქემაში დაცვის თანამშრომლებიც მონაწილეობდნენ.

კანონის თანახმად, საელჩოს მომსახურე პერსონალი 3 თვის განმავლობაში 4 ბოთლ ღვინოს, 2 ყუთ ლუდს და 4 ბოთლ სხვა სახის ალკოჰოლს იღებს. დიპლომატებისთვის ბევრად მეტი ალკოჰოლი არის გათვალისწინებული. [6 ბოთლი არაყი, 6 ბოთლი ღვინო და 4 ყუთი ლუდი]. ელჩი მაკაროვი პირადად აგვარებდა საკითხს რათა ალკოჰოლის დადგენილი ოდენობა, უფრო მტი ყოფილიყო. ასევე, ხშირად აწყობდა სხვადასხვა ღონისძიებებს, სადაც გამონაკლისის სახით ალკოჰოლი დასაშვები იყო. გამოძიებამ დაადგინა, რომ საელჩოს რიგითი თანამშრომელი წელიწადში 20 ათას დოლარს გამოიმუშავებდა, თუმცა ამ ეტაპზე უცნობია ელჩის შემოსავალი ალკოჰოლის უკანონო ვაჭრობიდან მიღებული. გამოძიება ამ დრომდე მიმდინარეობს.

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს

რას პასუხობს საზოგადოებრივი მაუწყებელი სინდისის პატიმრების მშობლებს ეთერის მოთხოვნაზე