„ჩვენი მიზანია, მინიმუმ პროცენტ ნახევარი ორი პროცენტით მეტად  გავიზარდოთ მეზობელ ქვეყნებთან შედარებით", - აღნიშნა ფინანსთა მინისტრმა, ივანე მაჭავარიანმა საფინანსო-საბიუჯეტო კომიტეტის სხდომაზე ეკონომიკურ ზრდაზე საუბრისას.

მისი განცხადებით, საერთაშორისო სავალუტო ფონდმა გადახედა და შეამცირა ზოგადად, მსოფლიო ეკონომიკური ზრდის პერსპექტივა 2019 წლისთვის.

„საქართველოს შემთხვევაში, ჩვენ გვაქვს 4,6 პროცენტი. ეს არის რეგიონში ყველაზე მაღალი ზრდა. ერთი მხრივ,  მუდმივად მესმის, რომ ამ ტემპით ნელა მივდივართ, მაგრამ ერთი რამ უნდა ვიცოდეთ და მჯერა, რომ თქვენ ეს იცით და მაინც, პოლიტიკური მოტივებით ერთი და იმავეს დაჟინებით იმეორებთ. ეკონომიკა ვერ განვითარდება იზოლირებულად და ცალკე. ჩვენ, დაახლოებით, ერთ ტექტონიკურ ბაქანზე ვართ ჩვენს მეზობლებთან და კითხვა არის შემდეგი - 4, 7 თუ 8% იქნება ზრდა, სამწუხაროდ სრულად ჩვენზე არ არის დამოკიდებული. ჩვენ პროცენტ ნახევარით, ორი პროცენტით მეტად უნდა გავიზარდოთ ჩვენს მთავარ სავაჭრო პარტნიორებთან, ეს არის ძალიან მნიშვნელოვანი", - აღნიშნა ფინანსთა მინისტრმა.

მისი განცხადებით ქვეყნის მთავარი სავაჭრო პარტნიორი ქვეყნები არიან აზერბაიჯანი, რუსეთი და თურქეთი.

„ზოგი არის მდიდარი ნავთობით, ზოგი არის მდიდარი ინდუსტრიით. იქ თუ დაბალი ზრდებია და ჩვენ ვახერხებთ პროცენტ ნახევარი, ორი პროცენტით მეტად გაზრდას, ეს არის მხოლოდ და მხოლოდ ჩვენი შიდა პოლიტიკისა და გამართული ეკონომიკური პოლიტიკის შედეგი. შესაბამისად,  ჩვენ ვერ დავშორდებით მეტად პარტნიორ ქვეყნებს - აზერბაიჯანში 2% იყოს და საქართველოში 10 პროცენტი, ბუნებაში ვერ მოხდება იმიტომ, რომ ერთ ეკონომიკურ ბაქანზე ვდგავართ. შეიძლება არგენტინა ვითარდებოდეს და აქ კავშირი იყოს გაწყვეტილი ჩვენ ეკონომიკებს შორის. აქ ბუნებრივია, ასე ვერ მოხდება, ამიტომ შედარებითი კომპონენტი არის  ძალიან მნიშვნელოვანი.  კიდევ გიმეორებთ, თქვენ თუ მაჩვენებთ, რომ თურქეთი იზრდება 5%-ით, აზერბაიჯანი იზრდება-6%-ით და ჩვენ - 4% კი ბატონო. ჩვენი მიზანია, მინიმუმ პროცენტ ნახევარი, ორი პროცენტით მეტად  გავიზარდოთ მიუხედავად იმისა, რომ რესურსებით ღარიბი ქვეყანა ვართ. ზუსტად იმიტომ, რომ გვაქვს სწორი პოლიტიკური და ბიზნესგარემო, ყოველთვის ეს მეტობა უნდა გვქონდეს. ჩვენ გავიზრდებით იმდენად, რამდენადაც მოგვცემს რეგიონი საშუალებას და პლუს რამდენადაც ეფექტური ვიქნებით ჩვენ თვითონ და აი, ეს პლუსი არის პროცენტი და პროცენტ ნახევარი, ორი პროცენტი", - აღნიშნა ფინანსთა მინისტრმა.

(NS)

ავტორი: ექსპრესნიუსი,

სოციალური ქსელები

არასერიოზულია იმის მტკიცება, რომ ცალკე აღებულმა, "ენერგო-პრო ჯორჯიას“ ხაზმა შესაძლოა გამოიწვიოს ქვეყნის სრული გათიშვა - მიხეილ ბოცვაძე

საქართველოს ბანკი - ფოთის საჭადრაკო ფესტივალზე ქართველი მოჭადრაკეების მთავარი მხარდამჭერი | ტურნირის შეჯამება

საქართველოს ბანკის მხარდაჭერით, მეწარმე ქალებისთვის გაყიდვების თემაზე ვორკშოპი გაიმართა

მედია: ამერიკისა და ისრაელის სადაზვერვო სააგენტოები ირანის ახალ უზენაეს ლიდერს ეძებენ