"პრემიერს მოუწევს ახსნას, რატომ გაუშვა გიორგი ქობულია", - ასე გამოეხმაურა პარლამენტის დამოუკიდებელი დეპუტატი ლევან გოგიჩაიშვილი ეკონომიკის მინისტრის შესაძლო გადადგომის შესახებ გავრცელებულ ინფორმაციას. 

დეპუტატი მიიჩნევს, რომ გიორგი ქობულიას შესაძლო გადადგომის მთავარი მიზეზი მის მიერ გაკეთებული განცხადებები არ არის.

„პრემიერ-მინისტრს მოუწევს ძალიან კარგად ახსნას, ჩვენთვის, დეპუტატებისთვის, საზოგადოებისთვის, რატომ გაუშვა გიორგი ქობულია. დარწმუნებული ვარ, რომ მხოლოდ იმ უცნაური გამონათქვამების გამო არ შეცვლიდნენ დიდი თანამდებობის პირს, ეკონომიკის მინისტრს, იმიტომ, რომ მაგაზე უარეს სისულელეებს საუბრობს ძალიან ბევრი თანამდებობის პირი, ძალიან ბევრი პოლიტიკოსი და უფრო მეტ შეცდომებს უშვებს პოლიტიკური თვალსაზრისით“, - განაცხადა ლევან გოგიჩაიშვილმა.

ცნობისთვის, მედიაში გავრცელდა ინფორმაციას ეკონომიკის მინისტრის გიორგი ქობულიას გადადგომის შესახებ. მედია წერს, რომ მინისტრი აღნიშნულ საკითხთან დაკავშირებით განცხადებას ბრიფინგზე გააკეთებს. ინფორმაციას გადასამოწმებლად "ექსპრესნიუსი" ეკონომიკისა და მდგრადი განვითარების სამინისტროს დაუკავშირდა, თუმცა უწყებაში მინისტრის გადადგომა უწყებაში არ დაგვიდასტურეს. 

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

იოსებ სიგუამ თანამდებობა დატოვა და ცილისწამებისთვის ჩივილს აპირებს

იძალადეს არასრულწლოვანსა და მის ოჯახის წევრზე, მოზარდი დაჭრეს - დაკავებულია 3 პირი

უკრაინამ აზოვის ზღვაში 21 რუსული ტანკერის განადგურების შესახებ განაცხადა

ლექსო ლაშქარავას მკვლელობიდან 5 წელი გავიდა, შემსრულებლები გარეთ არიან, ორგანიზატორები დაუსჯელები