ნატო-ს გენერალურმა მდივანმა იენს სტოლტენბერგმა ვაშინგტონში დაგეგმილი მინისტერიალის წინ გამართულ პრესკონფერენციაზე საქართველოში ჩატარებულ წვრთნებზე და შავი ზღვის რეგიონის უსაფრთხოებაზე ისაუბრა. 

გენერალურმა მდივანმა აღნიშნა, რომ ალიანსი საქართველოს სანაპირო დაცვას გაძლიერებაში ეხმარება და ნატო საქართველოს მხარდაჭერას გააგრძელებს.

"ნატო-მ უკვე გააფართოვა წარმომადგენლობა შავ ზღვაში. ჩვენ ვაგრძელებთ მუშაობას ჩვენს პარტნიორებთან რეგიონში. გასულ კვირას, თავად გახლდით და ვიხილე „ნატო-საქართველოს სწავლება“. დღეს ნატო-ს გემები არიან უკრაინასა და საქართველოში. ეს გემები ჩაერთვებიან სწავლებაში სახელწოდებით „ზღვის ფარი“, რომელიც შავ ზღვაში გაიმართება. ველოდები, რომ ნატო-ს წევრი ქვეყნების მინისტრები შეათანხმებენ ახალ ზომებს და რეგიონში არსებული სიტუაციის შესახებ ჩვენ უფრო მეტი ინფორმაცია გვექნება. ასევე გაძლიერდება საქართველოს და უკრაინის მხარდაჭერა, ისეთ სფეროებში, როგორიცაა საზღვაო ძალებისა და სანაპირო დაცვის სამსახურის წვრთნები, ვიზიტები პორტებში და სწავლებები, ასევე ინფორმაციის გაცვლა. შემიძლია გითხრათ, რომ მინისტერიალზე შეთანხმდებიან ზომებზე, რომელიც წვრთნას უკავშირდება. სწავლებები ტარდება და ამას ვხედავთ. ერთი კვირის წინ პირადად დავესწარი ნატო-საქართველოს წვრთნას. ასევე საუბარია საზღვაო ძალების გაწვრთნაზე. ნატო საქართველოს ეხმარება სანაპირო დაცვას გაძლიერებაში და განვიხილავთ დამატებით რისი გაკეთება შეიძლება. შარშან ნატოს გემებმა 100-ზე მეტი დღე გაატარეს შავ ზღვაში რაც 2017 წელთან შედარებით უფრო დიდი პერიოდია. ეს აჩვენებს ნატოს ყოფნას რეგიონში. მეტი ცნობადობისთვის არსებულ ვითარებაზე მნიშვნელოვანია ინფორმაციის გაცვლაც“, - განაცხადა იენს სტოლტენბერგმა.

ავტორი: ექსპრესნიუსი,

სოციალური ქსელები

არასერიოზულია იმის მტკიცება, რომ ცალკე აღებულმა, "ენერგო-პრო ჯორჯიას“ ხაზმა შესაძლოა გამოიწვიოს ქვეყნის სრული გათიშვა - მიხეილ ბოცვაძე

საქართველოს ბანკი - ფოთის საჭადრაკო ფესტივალზე ქართველი მოჭადრაკეების მთავარი მხარდამჭერი | ტურნირის შეჯამება

საქართველოს ბანკის მხარდაჭერით, მეწარმე ქალებისთვის გაყიდვების თემაზე ვორკშოპი გაიმართა

მედია: ამერიკისა და ისრაელის სადაზვერვო სააგენტოები ირანის ახალ უზენაეს ლიდერს ეძებენ