ვენეციის კომისიის დასკვნის მოთხოვნა ხელისუფლების მხრიდან სრულიად ფორმალურ ხასიათს ატარებს, - ამის შესახებ „ნაციონალური მოძრაობის“ წევრმა, სალომე სამადაშვილმა ენეციის კომისიის წევრებთან შეხვედრის შემდეგ განაცხადა.

სამადაშვილის განცხადებით, მან და მისმა თანაგუნდელებმა კომისიის წევრებს საკუთარი პოზიციები გააცნეს და გაუზიარეს მოსაზრება, რომ ხელისუფლების მიერ მოსამართლეთა შერჩევის პროექტი მმართველ გუნდზეა მორგებული.

„ეს კანონპროექტი არის მორგებული პირდაპირ ხელისუფლების პოლიტიკურ დღის წესრიგს, რაც შეიძლება სწრაფად დააკომპლექტოს უზენაესი სასამართლო მისთვის სასურველი მოსამართლეებით. ჩვენ ვენეციის კომისიას გავაცანით ჩვენი ხედვა, როგორც იმასთან დაკავშირებით, თუ რა პრობლემები არის კანონპროექტთან დაკავშირებით, რაც შეეხება იუსტიციის უმაღლეს საბჭოს, ასევე საპარლამენტო პროცედურასთან დაკავშირებით, იმიტომ რომ აქაც ბევრი პრობლემაა.  მაგრამ მთავრობა, ანუ „ქართული ოცნება“ არ აძლევს ვენეციის კომისიას საერთოდ საკმარის დროს, რომ მათ რაიმე მნიშვნელოვანი მონაწილეობა მიიღოს ამ პროცესში, ეს არის რეალობა“, - განაცხადა სალომე სამადაშვილმა.  

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

არასერიოზულია იმის მტკიცება, რომ ცალკე აღებულმა, "ენერგო-პრო ჯორჯიას“ ხაზმა შესაძლოა გამოიწვიოს ქვეყნის სრული გათიშვა - მიხეილ ბოცვაძე

საქართველოს ბანკი - ფოთის საჭადრაკო ფესტივალზე ქართველი მოჭადრაკეების მთავარი მხარდამჭერი | ტურნირის შეჯამება

საქართველოს ბანკის მხარდაჭერით, მეწარმე ქალებისთვის გაყიდვების თემაზე ვორკშოპი გაიმართა

მედია: ამერიკისა და ისრაელის სადაზვერვო სააგენტოები ირანის ახალ უზენაეს ლიდერს ეძებენ