ახალი რეგლამენტის ამუშავებიდან 100 დღის შემდეგ პარლამენტის სხდომებზე დეპუტატების დასწრების მაჩვენებელი 35%-ით გაიზარდა, - ამის შესახებ პარლამენტის ვიცე-სპიკერმა თამარ ჩუგოშვილმა ჟურნალისტებს განუცხადა. 

ჩუგოშვილის თქმით, ახალი რეგლამენტის გათვალისწინებით პარლამენტში ასევე ხშირად მინისტრების მოსმენა მიმდინარეობს.

"მხოლოდ 100 დღეში 10 მინისტრი იყო სხვადასხვა ფორმატში წარმოდგენილი, არც ერთი უარი დაბარების შემთხვევაში არ გვქონია, რაც ნიშნავს იმას, რომ პარლამენტი არის სხვანაირი", - განაცხადა თამარ ჩუგოშვილმა.

ახალი რეგლამენტი საქართველოში ევროკავშირის ელჩმა კარლ ჰარცელმაც შეაფასა.

„ამ 100 დღეში ნათლად გამოჩნდა, რომ ახალი ტიპის პარლამენტი გვაქვს. ჩვენ მხარს ვუჭერთ ამ ერთ-ერთი მნიშვნელოვანი მიმართულების გაძლიერებას. ვხედავთ, რომ შედეგი შთამბეჭდავია და მის განვითარებაზე დაკვირვებასა და მხარდაჭერას გავაგრძელებთ“,- განაცხადა კარლ ჰარცელმა.

პრეზენტაციას დღეს პარლამენტის თავმჯდომარე, ასევე ევროკავშირისა და გაეროს ელჩები დაესწრებიან.

ცნობისთვის, დღეს ახალი რეგლამენტით მუშაობის 100 დღის შემაჯამებელი შედეგების პრეზენტაცია გაიმართა. ახალი რეგლამენტი, ახალ კონსტიტუციასთან ერთად, ძალაში გასული წლის დეკემბერში შევიდა. 

ავტორი: ექსპრესნიუსი,

სოციალური ქსელები

არასერიოზულია იმის მტკიცება, რომ ცალკე აღებულმა, "ენერგო-პრო ჯორჯიას“ ხაზმა შესაძლოა გამოიწვიოს ქვეყნის სრული გათიშვა - მიხეილ ბოცვაძე

საქართველოს ბანკი - ფოთის საჭადრაკო ფესტივალზე ქართველი მოჭადრაკეების მთავარი მხარდამჭერი | ტურნირის შეჯამება

საქართველოს ბანკის მხარდაჭერით, მეწარმე ქალებისთვის გაყიდვების თემაზე ვორკშოპი გაიმართა

მედია: ამერიკისა და ისრაელის სადაზვერვო სააგენტოები ირანის ახალ უზენაეს ლიდერს ეძებენ