„ევროპული საქართველო“ და „თავისუფალი დემოკრატები“ სხვადასხვა პოლიტიკური ნაპირიდან მოვდივართ, არ გვაკავშირებს საერთო პოლიტიკური წარსული, მაგრამ გვაკავშირებს საერთო ღირებულებები, ფასეულობები, აწმყოს ანალიზი და მომავლის ხედვა, – ამის შესახებ ჟურნალისტებს პარტია „ევროპული საქართველოს“ ერთ-ერთმა ლიდერმა, გიგი უგულავამ განუცხადა.

"ყველანი ვხედავთ, რომ ქვეყანა შევიდა მძიმე ცვლილებების ეპოქაში, შავგულიძე იქნება ამ ცვლილებების პირველი მერცხალი. ჩვენი თანამშრომლობა არის გრძელვადიანი, სტრატეგიული და განსაკუთრებით მნიშვნელოვანია, რომ ჩვენი პოლიტიკური ძალები სხვადასხვა პოლიტიკური ნაპირიდან მოვდივართ. არ გვაკავშირებს საერთო პოლიტიკური წარსული, მაგრამ გვაკავშირებს საერთო ღირებულებები, ფასეულობები, აწმყოს ანალიზი და მომავლის ხედვა. თანამშრომლობა მომავლის საფუძველია და ის შუღლი, გაუტანლობა, ბოროტება, რასაც თესავს "ქართული ოცნება" ყოველდღიურად, უნდა დასრულდეს. ჩვენ ვიბრძოლებთ, რომ სწორედ მთაწმინდაზე შუალედურ არჩევნებში მოხდება ეს და მოხდება შალვა შავგულიძის გარშემო, მისი ბრძოლით და ჩვენი, ყველას ერთობლივი თანადგომით",- განაცხადა უგულავამ.

პარტიები „ევროპული საქართველო“ და „თავისუფალი დემოკრატები“ საარჩევნო ბლოკში გაერთიანდნენ.

ავტორი: ექსპრესნიუსი,

სოციალური ქსელები

არასერიოზულია იმის მტკიცება, რომ ცალკე აღებულმა, "ენერგო-პრო ჯორჯიას“ ხაზმა შესაძლოა გამოიწვიოს ქვეყნის სრული გათიშვა - მიხეილ ბოცვაძე

საქართველოს ბანკი - ფოთის საჭადრაკო ფესტივალზე ქართველი მოჭადრაკეების მთავარი მხარდამჭერი | ტურნირის შეჯამება

საქართველოს ბანკის მხარდაჭერით, მეწარმე ქალებისთვის გაყიდვების თემაზე ვორკშოპი გაიმართა

მედია: ამერიკისა და ისრაელის სადაზვერვო სააგენტოები ირანის ახალ უზენაეს ლიდერს ეძებენ