საქართველოს პრეზიდენტი გიორგი მარგველაშვილი, დღეს, ლუქსემბურგის დიდი საჰერცოგოს საგარეო საქმეთა მინისტრს ჟან ასელბორნს შეხვდა.

პრეზიდენტის ადმინისტრაციის პრესსამსახურის ინფორმაციით, ლუქსემბურგის საგარეო საქმეთა მინისტრმა მწუხარება გამოთქვა საქართველოში მომხდარი  ტრაგედიის გამო და საქართველოს პრეზიდენტსა და დაღუპულთა ოჯახებს მიუსამძიმრა.

შეხვედრისას მხარეებმა საქართველოსა და ლუქსემბურგის ორმხრივი ურთიერთობა განიხილეს. საუბარი შეეხო რეგიონში მიმდინარე მოვლენებს და საქართველოს ოკუპირებულ რეგიონებში არსებულ ვითარებას.

გიორგი მარგველაშვილმა ლუქსემბურგის დიდი საჰერცოგოს საგარეო საქმეთა მინისტრს მადლობა გადაუხადა საქართველოს სუვერენიტეტისა და ტერიტორიული მთლიანობის, ასევე ევროპულ და ევროატლანტიკურ სტრუქტურებში ინტეგრაციის ურყევი მხარდაჭერისთვის.

თავის მხრივ, ჟან ასელბორნმა საქართველოს პრეზიდენტს რიგისა და უელსის სამიტის გადაწყვეტილებათა იმპლემენტაციის პროცესში დახმარება აღუთქვა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კიევში რუსეთის მასშტაბური საჰაერო დარტყმის შედეგად მრავალსართულიანი შენობები ჩამოინგრა, ათი ადამიანი დაიღუპა და 50-ზე მეტი დაშავდა

რუსეთი საწვავის შოკის წინაშე დგას: ბენზინის ფასები ერთ წელიწადში 20%-ით გაიზარდა

„საშინელი და უპრეცედენტო რეკორდი“ - რუსეთის არმიის დანაკარგებმა უკრაინაში 1.4 მილიონს მიაღწია

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა