დილიდან, ზუგდიდის მუნიციპალიტეტის გამგეობის ააიპ–ი ხელმძღვანელებმა, თანამშრომლებთან ერთად, თბილისში მომხდარი სტიქიის შედეგად დაზარალებული ოჯახების დასახმარებლად თანხა შეაგროვეს.

როგორც „ექსპრესნიუსს“ გამგეობიდან აცნობეს, ფულადმა შემოწირულობამ 7000 ლარს გადააჭარბა.

ამ თანხით მუნიციპალიტეტის გამგეობამ დაზარალებული ოჯახებისთვის პირველადი მოხმარების ყველა საჭირო ნივთი შეიძინა. მათ შორის ტელევიზორები, მაცივრები, სამზარეულოს ელექტრო მოწყობილობები, ჭურჭელი, სკამები, საბნები, ბალიშები და პლედები.

გამგეობის თანამშრომლების მიერ ასევე შეგროვდა ტანსაცმელები და ფეხსაცმელები.

საჭიროების შემთხვევაში ზუგდიდის მუნიციპალიტეტის გამგეობის ყველა თანამშრომელი გამოთქვამს მზადყოფნას თბილისში სტიქიის შედეგად დაზარალებული ოჯახების დასახმარებლად სხვა ღონისძიებებიც გაატაროს.

„ზუგდიდის მუნიციპალიტეტის გამგეობა კიდევ ერთხელ ღრმა მწუხარებას გამოხატავს სტიქიის შედეგად თბილისში დატრიალებული ტრაგედიის გამო და უთანაგრძნობს ყველა დაღუპულის ოჯახს“, - ნათქვამია ზუგდიდის გამგეობის განცხადებაში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მოსკოვის ყველა აეროპორტში ფრენების ჩამოსვლასა და გამგზავრებაზე შეზღუდვებია დაწესებული

პუტინის მეორე იახტამ რუსეთი დატოვა და თურქეთისკენ მიემართება

რუსეთში ბენზინის ფასმა პირველად გადააჭარბა 100 რუბლს ლიტრზე

რუსეთის მთავრობამ გადაწყვიტა, ბენზინის ფასების ზრდის შესახებ მონაცემები გაასაიდუმლოს