„ბრავო ზურაბიშვილს, დღეს ცოტათი ქართველები ვართ!“ - ფრანგი ჟურნალისტი სალომე ზურაბიშვილს ნაპოლეონს ადარებს

2018-11-29 17:34:55, 3142 ნახვა

მსოფლიო

საქართველოს ახალი პრეზიდენტი ჰყავს და ის ფრანგია, - ამის შესახებ ჟურნალისტმა ვანსან ერვუემ ფრანგულ რადიოსადგურ Europe 1-ის ეთერში განაცხადა.

"ნაპოლეონის შემდეგ იშვიათია, რომ ფრანგი სხვა ქვეყანას მართავდეს გარდა საფრანგეთისა. ზურაბიშვილმა "მაჩოისტურ" ქვეყანაში შეძლო გამარჯვება. ამგვარად, ბრავო სალომე ზურაბიშვილს - დედას და ბებიას, უმაღლესი კატეგორიის ჩინოსანს, 30 წლის გამოცდილების მქონე დიპლომატს. საქართველო მისი წინაპრების ქვეყანაა, რომლებიც ბოლშევიკების მიერ იდევნებოდნენ. ამ დილით ჩვენ ყველანი ცოტათი ქართველები ვართ! ოლიგარქმა ბიძინა ივანიშვილმა, რომელიც ქვეყანას ყოველგვარი თანამდებობის გარეშე მართავს ზურაბიშვილი ჯერ დეპუტატად აირჩია, შემდეგ კი პრეზიდენტად აარჩევინა. სალომე ზურაბიშვილს თავის ხასიათი აქვს, მისი ამბიცია არის რუსეთთან უფრო ჭკვიანი იყოს და მიიჩნევს, რომ პატარა ქვეყანა პროვოკაციებს არ უნდა წამოეგოს", - ამბობს ჟურნალისტი.