შსს-ს წარმომადგენელმა UEFA-ს სემინარში მიიღო მონაწილეობა

2018-03-13 18:12:24, 671 ნახვა

საზოგადოება

შინაგან საქმეთა სამინისტროს განსაკუთრებულ დავალებათა დეპარტამენტის წარმომადგენელმა გერმანიაში, ქ. მიუნხენში, UEFA-ს ინიციატივით გამართულ სემინარში მონაწილეობა მიიღო. სწავლებას კონტრტერორიზმის ექსპერტები უძღვებოდნენ.

შსს-ს ინფორმაციით, სემინარის თემა იყო „სპორტულ და კულტურულ ღონისძიებებზე ტერორიზმის საფრთხეები და მათი პრევენცია“.

UEFA-ს წარმომადგენლებმა სემინარის მონაწილეებს ტერორიზმის საფრთხეების წინააღმდეგ მუშაობის სპეციფიკა გააცნეს და გამოცდილება გაუზიარეს.

შინაგან საქმეთა სამინისტროს განსაკუთრებულ დავალებათა დეპარტამენტის თანამშრომლები სისტემატურად მონაწილეობენ მსგავს სემინარებში, რაც ხელს უწყობს მათი კვალიფიკაციის ამაღლებას.

(NS)

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან