ტელეკომპანია „რუსთავი 2“-ის დაკვეთით, ამერიკული სოციოლოგიური კვლევითი კომპანიის Edison Research-ის მიერ ჩატარებული გამოკითხვების თანახმად, საპრეზიდენტო არჩევნებში გაერთიანებული ოპოზიციის „ძალა ერთობაშია“ კანდიდატი, გრიგოლ ვაშაძე 31%-ით ლიდერობს.

ორგანიზაციის ცნობით, პირისპირ ინტერვიუს საფუძველზე რესპოდენტები მთელი საქართველოს მასშტაბით, 15-დან 24 ოქტომბრამდე გამოიკითხნენ. გამოკითხვები ალოკაციის მიხედვით და ალოკაციის გარეშე ჩატარდა.

კითხვაზე, „დღეს რომ საპრეზიდენტო არჩევნები ტარდებოდეს, ვის მისცემდით ხმას?“ (ალოკაციის მიხედვით) პასუხები ასე გადანაწილდა:

გრიგოლ ვაშაძე - 31%;

სალომე ზურაბიშვილი - 28%;

დავით ბაქრაძე -  14%;

შალვა ნათელაშვილი - 5%;

არ გადაუწყვეტია, უარი პასუხზე - 16%.

ცნობისთვის, დღეს საზოგადოებას კიდევ ერთი კვლევის შედეგი „ქართულმა ოცნებამ“ წარუდგინა. ორგანიზაცია „ფსიქოპროექტის“ მიერ პარტის დაკვეთით ჩატარებული კვლევის თანახმად, სალომე ზურაბიშვილი არჩევნებს პირველივე ტურში, 54%-იანი მხარდაჭერით იგებს. რაც შეეხება სხვა კანდიდატებს, კვლევის მიხედვით, გრიგოლ ვაშაძეს ამომრჩეველთა 18% უჭერს მხარს, დავით ბაქრაძეს - 16%, ხოლო 12% სხვა კანდიდატებს.

ავტორი: ,

სოციალური ქსელები

საქართველოს რეგიონული განვითარების სამინისტრო სექტემბერში გაუქმდება

შეიქმნება რეგიონული პოლიტიკის საკითხებში სახელმწიფო მინისტრის თანამდებობა, რომელსაც მამუკა მდინარაძე დაიკავებს

იან კელი და დევიდ კრამერი: აშშ-მა და ევროკავშირმა „ქართულ ოცნებაზე“ ზეწოლა უნდა გააძლიერონ

PHR: სააპელაციომ დააკმაყოფილა ბექა შონიასთვის სამედიცინო მომსახურების შინ მიღების მოთხოვნა