„სოფლიდან რუსეთის ბაზაზე გადამიყვანეს“ - მაია ოთინაშვილი დაკავების დეტალებს იხსენებს

2018-10-09 17:05:57, 1863 ნახვა

კომენტარი

რუსი ოკუპანტების მიერ სოფელ ხურვალეთიდან გატაცებული მაია ოთინაშვილი, რომელიც მარიონეტულმა რეჟიმმა ქართულ მხარეს დღეს გადასცა, 11-დღიან პატიმრობას იხსენებს.

როგორც ოთინაშვილმა ჟურნალისტებს განუცხადა, ის თავდაპირველად რუსულ ბაზაზე, შემდეგ კი, ცხინვალის იზოლატორში გადაიყვანეს.

„თვალები მქონდა ახვეული. აქედან გადამიყვანეს, თავიანთ ბაზაზე, რუსების ბაზაზე. იქ ვიყავი ერთი დღე, დილიდან საღამომდე. მერე ცხინვალში წამიყვანეს. ძირითადად არაფერს არ მეკითხებოდნენ, კარგად არ მესმოდა რუსული, მომიტანდნენ ფურცელს, მოვუწერდი ხელს და მიჰქონდათ. მიდიოდნენ-მოდიოდნენ. მერე ვიყავი, გობედეს ეძახდნენ, იზოლატორში. 4 დღე ვიყავი იქ, მეხუთე დღეს სუდ-ი მქონდა, მერე ერთ თვიანი შემიფარდეს და მერე ციხეზე ვიყავი ამ დღემდე. 6 თვე არ უნდა ჩაიდინო იგივეო. ჩემ ტერიტორიაზე ვიყავი და დანაშაული მე ჩავიდინე?“, - განაცხადა მაია ოთიაშვილმა.

ცნობისთვის, მაია ოთინაშვილი პატიმრობიდან დღეს გათავისუფლდა. ის სოფელ ხურვალეთიდან რუსმა ოკუპანტებმა 29 სექტემბერს გაიტაცეს.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები