„ტერიტორიები, სადაც შესაძლებელია, მარიხუანას მოყვანაზე ლიცენზიები გაიცეს, მკაცრად დაცული იქნება“, -ამის შესახებ „ქართული ოცნება – მწვანეების“ თავჯდომარე, გიორგი გაჩეჩილაძემ ჟურნალისტებს განუცხადა.

გაჩეჩილაძე ადასტურებს, რომ ამ თემაზე საუბარი გუშინდელ შეხვედრაზე მართლაც იყო. მისივე თქმით, შეხვედრას ესწრებოდა შსს-ს წარმომადგენელიც, რომელიც ამ ინიციატივის ავტორია.

 „ვერსიების დონეზე არსებობს ასეთ რამ, შემოვა კანონპროექტი და იქ ყველაფერი იქნება ნათელი, უბრალოდ ჩვენ ძალიან გაგვჭედა ამ საკონსტიტუციო სასამართლოს გადაწყვეტილებამ და ჩვენ გვიწევს ახლა ამ ვაკუუმის შევსება, რომელიც ამ მარიხუანასთან არის დაკავშირებული და ჩვენ ვამკაცრებთ ყველაფერს, მაგრამ თვითონ, რაც მარიხუანას კულტივაციას ეხება, აქ საუბარი იყო იმაზე, რომ შეიძლება ექსპორტზე გატანის თვალსაზრისით იყოს შესაძლებელი სამკურნალო მარიხუანას მოყვანა. ის ტერიტორიები, სადაც შესაძლებელია ლიცენზიები გაიცეს მარიხუანას მოყვანაზე იქნება მკაცრად დაცული, რომელშიც შინაგან საქმეთა სამინისტრო იქნება ჩართული“, - განაცხადა გია გაჩეჩილაძემ.

ცნობისთვის, საქართველოში მარიხუანას მოყვანა და ექსპორტზე გატანა იგეგმება.  შსს-ს ინფორმაციით, მთავრობის მიერ მარიხუანასთან დაკავშირებით ინიცირებული საკანონმდებლო ცვლილებები მარიხუანას გასაღების მკაცრ შეზღუდვას ითვალისწინებს. როგორც ცნობილია, აღნიშნულ თემაზე საუბარი გუშინ „ქართული ოცნების" ოფისში გამართულ შეხვედრაზე იყო, რომლესაც ბიძინა ივანიშვილი ესწრებოდა. სწორედ ყოფილმა პრემიერმა დაუჭირა მხარი მარიხუანას წარმოებისა და ექსპორტზე გატანის პროექტს. 

ავტორი: ,

სოციალური ქსელები

ლექსო ლაშქარავას მკვლელობიდან 5 წელი გავიდა, შემსრულებლები გარეთ არიან, ორგანიზატორები დაუსჯელები

საია: ევროპის საბჭოს კომისარი შეუერთდა საქართველოს „უცხოელი აგენტების“ შესახებ კანონის საქმეს

ჰერჩინსკი - მსოფლიო გამოწვევებთან გამკლავებით, ევროპა მხოლოდ ძლიერდება, საქართველო მათ შორის არ არის

"თეგეტამ" Rainmaking-ისა და Startupbootcamp Georgia-ს ლიდერშიფსერიის პირველ ღონისძიებას უმასპინძლა