„მარგველაშვილს გარკვეული ელექტორალური მხარდაჭერა აქვს და მისი არჩევნებში მონაწილეობა მეორე ტურის შანსს გაზრდიდა“, - ამის შესახებ „ევროპული საქართველოს“ წევრმა ირაკლი აბესაძემ „TV პირველის“ ეთერში განაცხადა.

მისი შეფასებით, პრეზიდენტის გადაწყვეტილება დაგვიანებული და გაუგებარია.

„მას შეეძლო უფრო ადრე ეთქვა საზოგადოებისთვის საკუთარი გეგმების შესახებ და გაუგებარია, იმიტომ რომ მარგველაშვილი იქნება თუ სხვა ნებისმიერი კანდიდატი, რომელსაც გარკვეული ელექტორალური მხარდაჭერა შეიძლება ჰქონდეს, მისი არჩევნებში მონაწილეობა კიდევ უფრო მეტად ზრდის მეორე ტურის და ხელისუფლების დამარცხების შანსს, თუმცა ამას მე ვერ ვუწოდებ ჩვენი საარჩევნო კანპანიისთვის ხელის შემშლელს“, - აღნიშნა ირაკლი აბესაძემ.

ცნობისთვის, საქართველოს პრეზიდენტი გიორგი მარგველაშვილი მომავალ საპრეზიდენტო არჩევნებში მონაწილეობას არ მიიღებს. აღნიშნული განცხადება დღეს საქართველოს პრეზიდენტმა სასახლეში ლატვიის ყოფილ პრეზიდენტთან ვალდის ზატლერსთან საჯარო ლექციაზე გააკეთა, რომელსაც სტუდენტები და აკადემიური წრეების წარმომადგენლები ესწრებოდნენ.

ავტორი: ,

სოციალური ქსელები

კახა კალაძე 4 ოქტომბრის საქმეზე მორიგ დაკავებაზე: შესაბამისი საგამოძიებო უწყებები მოწოდების სიმაღლეზე არიან, ყველამ უნდა აგოს პასუხი

კახა კალაძე ელისაშვილის განაჩენზე: როდესაც კანონს ცდები, ყოველთვის მოყვება შესაბამისი რეაგირება

პოლიციამ ფატიმა კარიმოვას მკვლელობისთვის ძებნილი ბიძაშვილი, ემინ ალიევი ბათუმის საერთაშორისო აეროპორტში დააკავა

Apple-მა OpenAI-ს უჩივლა და კომპანიას სავაჭრო საიდუმლოებების მოპარვაში დასდო ბრალი