მე ჯო ბაიდენი ვარ, მე „დემოკრატი“ ვარ და მე მიყვარს ჯონ მაკკეინი, -ამ სიტყვებით დაიწყო თავისი გამოსვლა აშშ-ის ყოფილმა ვიცე-პრეზიდენტმა ჯო ბაიდენმა სენატორ ჯონ მაკკეინის პანაშვიდზე. 

როგორც ბაიდენმა აღნიშნა, მაკკეინის სახელი ისტორიაში დარჩება და პოლიტიკური ლიდერების მომავალ თაობებს ძალას მისცემს. 

"ჯონის ისტორია ეს ამერიკის ისტორიაა, რომელიც დაფუძნებულია პატივისცემასა და ფუნდამენტურ სამართლიანობაზე. ჯონს გააზრებული ჰქონდა, რომ ამერიკა პირველ რიგში იყო სარისკო იდეა. მიუხედავად იმისა, რომ დღეს ჯონი ჩვენთან აღარ არის, მან საკმაოდ მკაფიო ინსტრუქციები დაგვიტოვა - "ყოველთვის გჯეროდეთ ამერიკის დიდების და განვითარების".  განვლილ გზას რომ ვუყურებ, შემიძლია ვთქვა, რომ ჯონ მაკკეინს ძმად მივიჩნევდი. შემეძლო ჯონ მაკკეინისთვის ჩემი სიცოცხლე მენდო და ვფიქრობ, მასაც შეეძლო თავისი სიცოცხლე ჩემთვის მოენდო. როდესაც რამე პრობლემა მქონდა, ჯონი ყოველთვის პირველი იყო, ვინც რჩევით მოვიდოდა“, - განაცხადა ჯო ბაიდენმა.

სიტყვით გამოსვლისას ჯო ბაიდენი ატირდა და ის ადამიანებიც გაიხსენა, რომლებიც სიმსივნის გამო გარდაიცვალნენ, მათ შორის მისი მეგობარი სენატორი ტედ კენედი და შვილი ბო. 

„არის მომენტები, როდესაც ცხოვრება ძალიან სასტიკი და ბრმაა, როდესაც რთულია რამის დანახვა. მსოფლიო ჩვენთან ერთად იზიარებს იმ ტკივილს,, რომელიც მაკკეინის გარდაცვალებამ მოგვიტანა“, - განაცხადა ჯო ბაიდენმა. 

შეგახსენებთ, რომ სენატორი ჯონ მაკკეინი 28 აგვისტოს 81 წლის ასაკში სიმსივნისგან გარდაიცვალა. მას 2 სექტემბერს დაკრძალვენ. 

ავტორი: ,

სოციალური ქსელები

მთავრობამ რუსეთიდან დიზელის საწვავის ექსპორტი აკრძალა, ბენზინისა და თვითმფრინავის საწვავის შემდეგ

ნატოს ქვეყნები ორი წლის განმავლობაში უკრაინას 140 მილიარდი ევროს ოდენობის დახმარება გამოუყოფენ

ყოფილმა მთავარსარდალმა ზალუჟნიმ მოსაზრებას, რომ რუსეთმა ომი წააგო, „სახიფათო და არასწორი“ უწოდა

სააპელაციომ მკვლელობის მცდელობაში ბრალდებულს 17 წლით პატიმრობა მიუსაჯა