"საუბარი იყო იმაზე, რომ კატეგორიულად ვითხოვდი, ეროვნული ბანკის მაშინდელი ხელმძღვანელობა, ყველა  აღმოჩენილიყო ციხეში",-ამის შესახებ საქართველოს რეგიონული განვითარებისა და ინფრასტრუქტურის მინისტრმა, "ქართუ ბანკის" დამფუძნებელმა, ნოდარ ჯავახიშვილმა  ჟურნალისტებს ბიძინა ივანიშვილის განცხადების კომენტირებისას უთხრა, რომლის თანახმადაც, სავალუტო ფონდის წარმომადგენელმა სთხოვა, ქადაგიძე არ დაეჭირათ.
"საუბარი იყო იმაზე, რომ კატეგორიულად ვითხოვდი, ეროვნული ბანკის მაშინდელი ხელმძღვანელობა, ყველა  აღმოჩენილიყო ციხეში. ამის საფუძველი მქონდა ძალიან ბევრი,  შეგიძლიათ გადახედოთ ამას",-აღნიშნა ნოდარ ჯავახიშვილმა. 
კითხვაზე-როდესაც ეროვნული ბანკის პრეზიდენტი  თანამდებობიდან წავა, უნდა განახლდეს თუ არა მის წინააღმდეგ საქმე, ნოდარ ჯავახიშვილმა  ჟურნალისტებს კანონში ჩახედვა ურჩია.
"ჩაიხედეთ კანონში, ადამიანების ინიციატივით არ ხდება გადაწყვეტილების მიღება",-განაცხადა ნოდარ ჯავახიშვილმა.
ცნობისთვის, საქართველოს ყოფილმა პრემიერ-მინისტრმა ბიძინა ივანიშვილმა დღეს განაცხადა, რომ საერთაშორისო სავალუტო ფონდის წარმომადგენელმა მას პირადი შეხვედრისას სთხოვა,  არ დაწყებულიყო სისხლის სამართლებრივი დევნა საქართველოს ეროვნული ბანკის ხელმძღვანელის მიმართ.
მისივე თქმით,  პირადი გადაწყვეტილებით გამოიტანა განცხადება მთავარი პროკურატურიდან, რომელიც "ქართუ ბანკის" საქმეს უკავშირდებოდა. თუმცა, ივანიშვილის განმარტებით, ის ვერ შეძლებს გიორგი ქადაგიძის დაცვას, თუ მას სხვა საკითხებთან დაკავშირებით,  რაიმე სახის გადაცდომა ექნება.
"საერთაშორისო სავალუტო ფონდის წარმომადგენელი იყო, მთხოვა პირად შეხვედრაში  ქადაგიძე არ დაეჭირათ  და მართლაც გავითვალისწინე და ვუთხარი, რომ ის, რაც პირადია, და პირადი იყო "ქართუ ბანკი", იცოდნენ მათაც, რომ მან კანონი დაარღვია და დასაჭერია, ისე კიარ უთქვამს, რომ დასაჭერი არაა. ჩვენ ვიცით, რომ ის დასაჭერია, იქნებ აპატიოთ.მეც ვუთხარი, რომ რაც პირადულია, შემიძლია ეს გავაკეთო. პროკურატურაში განცხადების მსვლელობა შევაჩერე, რაზეც ჯავახიშვილი ძალიან განაწყენდა, მაგრამ საერთო საქმეებიდან, მე მასაც განვუმარტე, ვინც მთხოვა, ქადაგიძესაც შევხვდი და მას განვუმარტე, რომ თუ მას სახელწმიფოს წინაშე აქვს  რაიმე დარღვევა ჩადენილი, რა თქმა უნდა, მე ხელს ვერ დავაფარებ",-განაცხადა ბიძინა ივანიშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსეთი საწვავის შოკის წინაშე დგას: ბენზინის ფასები ერთ წელიწადში 20%-ით გაიზარდა

„საშინელი და უპრეცედენტო რეკორდი“ - რუსეთის არმიის დანაკარგებმა უკრაინაში 1.4 მილიონს მიაღწია

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს