საქართველოს რეგიონული განვითარებისა და ინფრასტრუქტურის მინისტრის ნოდარ ჯავახიშვილის განცხადებით, მისი საქმე არაა, ვინ როგორი სექსუალური ორიენტაციის ადამიანია, თუმცა მიიჩნევს, რომ მისი პროპაგანდა, წახალისება არ უნდა ხდებოდეს.

ამის შესახებ ჯავახიშვილმა ჟურნალისტის კითხვაზე საპასუხოდ განაცხადა. მედიის წარმომადგენელი დაინტერესდა, ფიქრობს  თუ არა ნოდარ  ჯავახიშვილი, რომ ჰომოსექსუალობა ავადმყოფობაა.

"მე ასე არ დავსვამდი საკითხს, ჩემი  დამოკიდებულება ჰომოსექსუალიზმთან ერთმნიშვენლოავანია და როცა საკითხი დგება, ეს ჩემი საქმე არ არის, სახლში ვინ რას აკეთებს. უბრალოდ როდესაც დგება საკითხი, რომ რაღაცის აფიშირება უნდა მოხდეს, რაღაცის პროპაგანდა და წახალისება, რასაკვირველია, მე ჩემი დამოკიდებულება მაქვს.თავის დროზეც, როცა პირველად დაიგეგმა მსვლელობა, მაშინვე ვსვამდი შეკითხვას, რა  გაქვთ, ბატონო, სათქმელი მითხარით, რა აუცილებელია ამისთვის ქუჩაში გამოსვლა?! მე ყოველგვარი ამისთანა გადახვევის წინააღმდეგი ვარ, თუ მას უკეთდება საზოგადოებაში აფიშირება და თუ ეს არის რაღაცის რეკლამირება",-განაცხადა ნოდარ ჯავახიშვილმა.

კითხვაზე- "იგივეს ფიქრობთ თუ არა მარიხუანის დეკრიმინალიზაციაზე"- ჯავახიშვილმა  ასე უპასუხა:

"რასაკვირველია. ყოველგვარი გადახრა მგონია მე ესეც, ასეთი სურვილი რომ გიჩნდება ადამიანს,  ამის დეკრიმინალიზაცია ნიშნავს, რომ უნდა წაახალისო",-განაცხადა ნოდარ ჯავახიშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„საშინელი და უპრეცედენტო რეკორდი“ - რუსეთის არმიის დანაკარგებმა უკრაინაში 1.4 მილიონს მიაღწია

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს

პროკურატურამ ფორმულას მიმართ აღძრულ საქმეზე გამოკითხვაზე ჟურნალისტი ნატუკა ლომაძე დაიბარა