2018-08-13 15:10:17, 1094 ნახვა

---

სააკაშვილი: ივანიშვილი ცდილობს, ზურაბიშვილის მეშვეობით მის წინააღმდეგ საფრანგეთში დაწყებული სისხლის სამართლის საქმის შეწყვეტას

საქართველოს მესამე პრეზიდენტი, მიხეილ სააკაშვილი Facebook-ის საკუთარ ოფიციალურ გვერდზე ვიდეოს ავრცელებს, ვიდეოში ნაჩვენებია თუ როგორ ტირაჟირებს რუსული მედია სალომე ზურაბიშვილის განცხადებას ომის დაწყების თაობაზე. მიხეილ სააკაშვილის თქმით, ბიძინა ივანიშვილს იმედი აქვს, რომ ზურაბიშვილის მეშვეობით მის წინააღმდეგ საფრანგეთში დაწყებული სისხლის სამართლის საქმის შეწყვეტას მიაღწევს. „ამ ქალის (სალომე ზურაბიშვილი) დასახელებით ივანიშვილი ორი კურდღლის დაჭერას ლამობს-ერთის მხრივ, ის აწყობს მოსკოვს ,მას შემდეგ,რაც მან არ გაამართლა ქართველი ხალხის ნდობა და უღალატა თავის ისტორიულ სამშობლოს,და,ამავე დროს,ივანიშვილს იმედი აქვს ,რომ ზურაბიშვილის კანდიდატურის მეშვეობით მიაღწევს მის წინააღმდეგ საფრანგეთში დაწყებული სისხლის სამართლის საქმის შეწყვეტას. დაფიქრებულხართ იმაზე,თუ რატომ ვერ გადის ივანიშვილი საქართველოს ფარგლებს გარეთ,უკვე წელიწადზე მეტია? ამის მიზეზი ისაა,რომ მას დააკავებენ საფრანგეთის მოსამართლის მითითებით. ამიტომ,ის იმალება საქართველოში,რომელსაც სწრაფად აქცევს დანაშაულებრივი სინდიკატის სამალავად. ოქტომბერში ჩვენ ამას დავუსვამთ წერტილს. ის ვეღარც საქართველოში დაიმალება და ვეღარც ამოეფარება ხეებს!“ - წერს მიხეილ სააკაშვილი.

---

ავტორი: ,

---

დღის თემა

მთავარი თემა

ინტერვიუ - ექსკლუზივი