რეგიონული განვითარებისა დ ინფრასტრუქტურის მინისტრის ნოდარ ჯავახიშვილის შეფასებით, ანტიდისკრიმინაციული კანონი საერთოდ არ უნდა მიეღოთ.

ამის შესახებ ჯავახიშვილმა ჟურნალისტის მიერ დასმული კითხვის საპასუხოდ განაცხდა, რომლის თანახმადაც, „ანტიდისკრიმინაციული კანონი  კარგად არ მუშაობს, ლგბტ პირებს კვლავ პრობლემები ექმნებათ და რა საშუალებით  უნდა გამოხატონ მათ ეს პრობლემები“.

"მე თუ მეკითხებით,  ანტიდისკრიმინაციული კანონი არ უნდა მიგვეღო საერთოდ",-აღნიშნა ნოდარ ჯავახიშვილმა.

მისივე თქმით,  გაუგებარია, რატომ უნდა გაამახვილონ ყურადღება მხოლოდ იმ პრობლემებზე, რომელიც განსხვავებული სექსუალური ორიენტაციის ადამიანებს ეხებათ, "მაშინ როცა პრობლემები ქვეყანაში გაცილებით მეტია".

"რა უნდა გააპროტესტონ ლგბტ ადამიანებმა მითხარით? რას ნიშნავს დისკრიმინაცია? თქვენთვის ვინმეს უკითხია როგორი სექსუალური ორიენტაციის ხართ? ეს არ არის ჩემი საქმე, თქვენ ღამე საწოლში რას აკეთებთ. არასოდეს ეს შეკითხვა არ გამიჩნდება და თუ გამიჩნდა, ჩათვალეთ, რომ მე უბრალოდ  ზრდილობასთან მაქვს პრობლემები. სახელმწიფოში უამრავ ადამიანს აქვს პრობლემა, სხვათაშორის, ყოველგვარი პრობლემის გარეშე ციხეში ვიჯექი 6 თვე. ანუ, რატომ უნდა გავამახვილოთ ყურადღება მხოლოდ იმ პრობლემებზე, რომელიც განსხვავებული სექსუალური ორიენტაციის ადამიანებს ეხებათ, მაშინ როცა პრობლემები ქვეყანაში გაცილებით მეტია. თუ რამე პრობლემა გაქვს, ქუჩაში კიარ უნდა გააპროტესტო, აგერ არის სასამართლო",-განაცხადა ნოდარ ჯავახიშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„საშინელი და უპრეცედენტო რეკორდი“ - რუსეთის არმიის დანაკარგებმა უკრაინაში 1.4 მილიონს მიაღწია

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს

პროკურატურამ ფორმულას მიმართ აღძრულ საქმეზე გამოკითხვაზე ჟურნალისტი ნატუკა ლომაძე დაიბარა