პრემიერ-მინისტრი მამუკა ბახტაძე გიორგი მღებრიშვილის მიერ საგანგებო სიტუაციების მართვის სამსახურის ხელმძღვანელის პოსტიდან წასვლას გამოეხმაურა.

როგორც ბახტაძემ აღნიშნა, გადაწყვეტილება თავად მღებრიშვილმა მიიღო.

„გიორგი მღებრიშვილმა მიიღო გადაწყვეტილება, რომელსაც მე დავეთანხმე. მე განვაცხადე, რომ ჩვენ ამ სამსახურში გვაქვს ძალიან პრინციპული ხასიათის ახალი გამოწვევები. ჩვენ ვფიქრობთ, რომ აღნიშნულ სამსახურში ძალიან მნიშვნელოვანი ინვესტიციებია გასაკეთებელი. ჩვენ წელს ძალიან მნიშვნელოვანი ნაბიჯები გადავდგით, თუმცა ეს არ არის სამწუხაროდ საკმარისი, განსაკუთრებით იმ ნაწილში, რაც შეეხება მსგავსი რისკების შემცირებას“, - განაცხადა ბახტაძემ.

რაც შეეხება შეკითხვას, უკავშირდება თუ არა მღებრიშვილის თანამდებობიდან წასვლა უწყებაში რაიმე დარღვევებს, ბახტაძემ ასე უპასუხა: „თუ რაიმე დარღვევა აქვს მას, საგამოძიებო ორგანოები გასცემენ შესაბამის პასუხს, ეს მათი კომპეტენციაა“.

ავტორი: ,

სოციალური ქსელები

SJP-მ ფორმულას, ტვ პირველისა და პუბლიკას საქმეებზე განგაშის სიგნალი ჩართო

ცაგერის საკრებულოს დეპუტატი „ქურდული სამყაროს“ მხარდაჭერის ბრალდებით დააკავეს

მარეგულირებელი კომისიის მიერ ტვ პირველისთვის დაკისრებული სანქციის გამო, ევროსაბჭომ განგაში გამოაცხადა

ე.წ. ქურდული გარჩევების საქმეზე დაკავებული ლალო გველესიანი და სხვა პირები პატიმრობაში გაუშვეს