ევროპის საბჭოს ორგანიზებით დღეს სასტუმრო "რადისონ-ბლუ ივერიაში" ევროკავშირისა და ევროპის საბჭოს  ერთობლივი პროექტის  ოფიციალური გახსნითი შეხვედრა გაიმართა. პროექტის სახელწოდებაა " საქართველოს ადვოკატთა ასოციაციის მხარდაჭერა".

აღნიშნული პროექტი არის  აღმოსავლეთ პარტნიორობის  ფარგლებში  ევროკავშირსა და  ევროპის საბჭოს შორის 2014 წელს დადებული შეთანხმების ნაწილი. ამ შეთანხმების  ხელმოწერისას მხარეები შეჯერდნენ, რომ პროექტებს 2 ფაზად განახორციელებდნენ. პირველი ფაზისთვის განკუთვნილია  2015-2017 წლები და 33.8 მილიონი ევრო.შეთანხმების  პრიორიტეტული სფეროებია: ადამიანის უფლებები, დემოკრატია და კანონის უზენაესობა აღმოსავლეთ პარტნიორობის ქვეყნებში.

 ადვოკატთა ასოციაციის მხარდაჭერის პროექტი ამ ერთიანი პაკეტის  ნაწილს წარმოადგენს. იგი დაფინანსებულია ევროკავშირის მიერ  და ახორციელებს ევროპის საბჭოს  ოფისი საქართველოში. პროექტის საერთო ხანგრძლივობაა 18 თვე და ამისათვის გამოყოფილია 400. 000 ევრო.

პროექტის ძირითადი მიმართულებებია: საკანინმდებლო ბაზის დახვეწა, ასოციაციის მართვის სტილის/მენეჯმნტის  უნარების გაუმჯობესება, ეთიკის კომისიისა და  რეგულაციების მუშაობის დახვეწა, განგრძობადი იურიდიული განათლების ხელშეწყობა, საკვალიფიკაციო  გამოცდის ფორმატის დახვეწა.

პროექტი თანამშრომლობს მართლმსაჯულების სფეროში მოღვაწე  სხვადასხვა სახელმწიფო ინსტიტუტების, არასამთავრობო სექტორის წარმომადგენლებსა და  საერთაშორისო  დონორ ორგანიზაციებთან.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს

პროკურატურამ ფორმულას მიმართ აღძრულ საქმეზე გამოკითხვაზე ჟურნალისტი ნატუკა ლომაძე დაიბარა

მინდია შერვაშიძე ციხიდან გამოსვლისთანავე 500 ლარით დააჯარიმეს