ევროპის სააეარნაოსნო უსაფრთხოების ორგანიზაციამ (Eurocontrol) 2017 წლის შეფერხებული ფრენების კვლევის და მონიტორინგის შედეგები გამოაქვეყნა,  რომლის თანახმად, „ევროკონტროლის" წევრ ქვეყნებში, გასული წლის მონაცემებით ფრენების შეყოვნების საერთო ჯამმა, თითო შესრულებულ ფრენაზე 16.89 წუთს მიაღწია. ასევე, გასული ერთი წლის მონაცემებით, ფრენების შეყოვნებამ თითო ფრენაზე  წარმოადგინა 0.6 წუთი.

აღსანიშნავია, რომ „ევროკონტროლის" კვლევაში,  საქართველოს საჰაერო სივრცეში და საქართველოს აეროპორტების აფრენა-დაფრენის ზონებში, „საქაერონავიგაციის"  მიზეზით შეფერხებული ფრენების მაჩვენებელი 0 %-ია.

შეფერხებული ფრენების მონიტორინგი და ანალიზი კიდევ უფრო მეტ მნიშვნელობას იძენს ევროპაში ფრენების უპრეცედენტო ზრდის ტენდენციის პირობებში, რადგან საჰაერო ნაკადების ზრდა პირდაპირ კავშირშია შეფერხებული ფრენების რაოდენობის ზრდასთან.

ფრენების რაოდენობა რეკორდულ მაჩვენებელს აღწევს საქართველოშიც.  ამ გამოწვევის საპასუხოდ შპს „საქაერონავიგაციამ" არაერთი უმნიშნველოვანესი პროექტი განახორციელა  საჰაერო მიმოსვლის უსაფრთხო, თანმიმდევრული და დროული მართვის უზრუნველსაყოფად.

"ფრენების შეფერხების თავიდან ასაცილებლად განსაკუთრებულად მნიშვნელოვანია საჰაერო სივრცის  გამტარუნარიანობის დადგენა. „ევროკონტროლის" ექსპერტების დახმარებით, ჩვენ შევისწავლეთ არსებული ნაკადები, რის საფუძველზეც მოხდა გამტარუნარიანობის დადგენა, მისი ზრდის შესაძლებლობების მოძიება და განხორციელება. საქართველოს საჰაერო სივრცის გამტარუნარიანობის გაზრდის და საჰაერო ტრასებზე ფრენების შეფერხების შემცირების მიზნით, 2016 წელს შპს „საქაერონავიგციამ" მიიღო გადაწყვეტილება, საქართველოს საჰაერო სივრცეში თავისუფალი მარშრუტების დანერგვასთან დაკავშირებით. „საქაერონავიგაციის" საჰაერო მოძრაობის მართვის სამსახურის სპეციალისტების და ევროკონტროლის ექსპერტების თანამშრომლობის შედეგად, შეიქმნა თავისუფალი მარშრუტების დანერგვის საპროექტო ვარიანტი, რომელიც 2017 წლის 1 ოქტომბრიდან, მათივე მხარდაჭერით ამოქმედდა", - განაცხადა საქართველოს ეკონომიკისა და მდგრადი განვითარების სამინისტროს შპს "საქაერონავიგაციის" გენერალურმა დირექტორმა გოჩა მეზვრიშვილმა.

საქართველოს საჰაერო სივრცეში დანერგილი თავისუფალი მარშრუტების კონცეფცია მოიაზრებს პირდაპირ ფრენებს შემოსვლის წერტილიდან პირდაპირი ტრაექტორიით გასვლის წერტილზე, რაც თავის მხრივ ავიაკომპანიებისთვის ქმნის უმოკლესი მარშრუტების შერჩევის, ფრენების ეფექტურად დაგეგმარების და საჰაერო სივრცის უფრო მოქნილი სარგებლობის საშუალებას.

(NS)

ავტორი: ,

სოციალური ქსელები

SJP-მ ფორმულას, ტვ პირველისა და პუბლიკას საქმეებზე განგაშის სიგნალი ჩართო

ცაგერის საკრებულოს დეპუტატი „ქურდული სამყაროს“ მხარდაჭერის ბრალდებით დააკავეს

მარეგულირებელი კომისიის მიერ ტვ პირველისთვის დაკისრებული სანქციის გამო, ევროსაბჭომ განგაში გამოაცხადა

ე.წ. ქურდული გარჩევების საქმეზე დაკავებული ლალო გველესიანი და სხვა პირები პატიმრობაში გაუშვეს