საქართველოს თავდაცვის მინისტრ თინა ხიდაშელის შეფასებით, ათონელის რეზიდენციასთან დაკავშირებით პრემიერ-მინისტრის დღევანდელი განცხადება აბსოლუტურად გასაგები იყო.

მისივე თქმით, ათონელის რეზიდენციაში სამუშაოები დასრულებულია და "პატრონს ელოდება"

"ვფიქრობ, პრემიერის განცხადება დღეს  ძალიან ნათელი და გასაგები იყო. ათონელის რეზიდენცია მზადყოფნაში, დასრულებულია, ელოდება  პატრონს, ახლა უკვე პატრონის გადასაწყვეტია მას მიიღებს თუ არა",-განაცხადა თინა ხიდაშელმა.

ცნობისთვის, დღეს საქართველოს პრემიერ-მინისტრმა განაცხადა, რომ ათონელის რეზიდენციაში გადასვლაზე გადაწყვეტილება პრეზიდენტმა უნდა მიიღოს. მისივე თქმით, მთავრობამ ათონელის რეზიდენციაზე 25 მილიონი ლარი დახარჯა და პრეზიდენტის  იქ გადასვლა გონივრული გადაწყვეტილება იქნებოდა.

"ვფიქრობ რომ ჩვენ თავი უნდა შევიკავოთ ნებისმიერი სამართლებრივი მექანიზმების გამოყენებისგან, იმიტომ რომ ჩვენთვის მთავარი ინტერესია,  არ დაზიანდეს ქვეყნის საერთაშორისო იმიჯი და სახელმწიფო ინსტიტუტების იმიჯი. მიუხედავად იმისა, რომ მთავობამ ეფექტურად უნდა განკარგოს ქონება, ბიუჯეტი. ეს კიდევ ერთხელ დააზიანებს ქვეყნის იმიჯს, რაც არავის ინტერესში არ შედის. ამიტომ,  მიმაჩნია, რომ ეს გადაწყვეტილება უნდა მიიღოს თავად პრეზიდენტმა. თუ ჩათვლის, რომ ეს იქნებოდა გონივრული გადაწყვეტილება, თუ გამოიყენებდა ამ შენობას, რომელშიც მთავრობამ 25 მილიონი დახარჯა, ეს იქნებოდა მისასალმებელი ჩვენთვის. თუმცა ეს გადაწყვეტილება მან უნდა მიიღოს",-აღნიშნა ღარიბაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კობახიძე: მიუხედავად წარმოქმნილი გამოწვევებისა, კვლავაც გვწამს, რომ დადგა დრო, გადავტვირთოთ აშშ-სთან სტრატეგიული პარტნიორობა

შსს მალანიაზე: ჰქონდა ინფორმაცია ავალიანზე თავდასხმაზე და პოლიციას არ შეატყობინა

დროა: ელენე ხოშტარია ციხიდან ვივამედში გადაჰყავთ, უკვე გზაშია

საგანძურის მარათონი დაიწყო - შემოუერთდი საგანძურის მაძიებლებს თიბისის მობაილბანკში